School: Sailearna (Buachaillí)

On this page

1. Samhlaoid agus Comharthaíocht

   

   Share Share Post

   Samhlaoid agus Comharthaidheacht.
   Éamonn Ó Finneadha d'innis.
   Tadhg Ó Séaghdha do scríobh síos uaidh, samhradh na bliadhna 1929.
   Comhnuigheann Éamonn i dteach an phosta sa lochán beag, Indreabhán.
   Tá go leór seanchasa aige i dtaobh na sean-aimsire, ach tá sé ag eirighe sean anois agus tá na fiacla caillte aige agus níl sé an-éasgaidh é thuiscint mara mbeidhtheá 'na chleachtadh. Ó'n bhfigheadóir, de mhuinntir breathnuigh, (vide Peadar Chois Farrge) agus ó chomhradaí an fhigheadóra agus na sean-iondúirí bhí i mbaile an Tighe Móir agus sa lochán beag le linn dó féin agus do Pheadar 'ac Cúláin a bheith ag tigheacht suas 'seadh fuair Éamonn a bhfuil de bhéal-oideas aige. Tá sé ag lonnú san áit a bhfuil sé ón óige. Tá sé anois ag teannadh isteach le ceithre sgóin.

   Triúr dearbhráthar agus deirbhriúr a bhí ann agus tháinic fear agus thug sé leis an deirbhriúr. Faoi cheann bliadhna d'imthigh an driotháir is sine ar a thóraidheacht. Tháinic sé isteach sa teach a raibh sí ann agus bhí raca aici a'réidhtheach a cloiginn nuair a tháinic sé. Chuir sé coirt ar an mbean i dtaobh a fir.
   -"Ní fiafraighim dó cá dtéigheann sé," adeiran bhean.
   "Tagann sé chuile oidhche is a naipcín póca 'sé reóidhte le fuil. Sé'n obair a bhíos agam é sin a nigheachán agus é bheith tirm faoi n-a chomhair ar maidin."
   Is gearr go gcuala sé ceól. Dubht sise - "Tá an ceól sin ag tigheacht ar an tsráid againn." 'Séar'd a bhí ann ná beithigh bainne agus an ceol 'na gcuid adharca.

   (continues on next page)

   

   Transcribed by a member of our volunteer transcription project.

   History Edit

   Folktales index

   AT0471: The Bridge to the Other World

   Language

   Irish

   Collector

   Tadhg Ó Séaghdha

   Gender

   Male

   Informant

   Eamonn Ó Finneadha

   Gender

   Male

   Age

   72

   Address

   An Lochán Beag, Co. Galway