School: Caisleach (roll number 16018)

On this page

1. Scéal - Dómhnall Ó Corcoráin (continued)

   

   Share Share Post

   (continued from previous page)

   agus bhí a bean le’n a chois. Do rith luch amach as an stáca agus luch eile na diaidh. Bhí fearg ar an t-arna luch. “Loisgearán áir ort,” ar sise leis an luch a bhí roímpa amach, “cad a thug annso thú. Nách fuil sé chóm ceart agam bheith ann leatsa” ars an cead luch, “go bhfuil mé féin agus mo naoíneabhar clainne ann leis an méid sin aimsire.” Chuir Dómhnaill Ó Corcoráin sgairte gáire as mar thuig sé an luch a bhí ag cainnt. “Cad tá id’ cuir agus gáirí” ars an bean leis. “Arú, rud éigint ag rith im aigne” ar seisean. “Ní h-eadh a Mhuise” ar sise “acht rud éigin eile.
   “Ní dheanfhadsa a thuille gnótha sa tig seo” ar sise “go neosfair dómhsa cad a chuir a gairí thú.” As san amach ní annsan ní crúdach sí bó ní ullmhóchadh sí biad do na aon nídh eile agus d’fiafhruigheadh sí anois is arís i gcomhnaidhe dhe cad a chur a gairí é agus ní neosfhadh sé di. I gcionn caoigceas dúbhairt sí leis mar seo, “Táim se ag dul abhaile go dtí m’athair indiu mara ninsir dom cad a chuir a gáirí thu amuigh san iothlaín. “Ní neosfad” ar seisean. Seadh d’imthig sí uirthi agus bhí aistear trí lae uirthi sular sros sí tig a h-athar. D’imthig an aimsear agus bhí Dómhnaill Ó Corcoráin ag fuirseadh leis an saoghal ag iarraid go h-aon nídh a deanamh. Gan aon bhean tíghe a déanad císte do ‘ná a nighead balcais-eadaigh do.
   Dubhairt sé leis féin sa deire go ragadh sé fé na déin. Thóg sé leis capall ialuighthe. An turas a thog trí lá de’n bhean do dhein an capall i dhá lá é. Seadh stad sé i dtig a bhí leath slíghe idir a thig féin agus tig athair a cheile. Fuair sé stábla do’n capall agus ar an raca cuireadh na chodlad é féin. Bhí na cearca síos in íochtar a tíghe sa chúib. Bhíod na cearca istig ag gach aoinne an uair sin. Seadh i gcionn tamaill de’n oidhche tosnuig na cearca de bheith ag córac agus b’éigean do’n coileach prioch thall i prioch i bhfus a bheith aige ortha chun iad stop. “Ó” ars an coileach “smachtógadh-sa sibh sé nídh a dearfaid Dómhnall Ó Chorcoráin le’n a mhnaoí “Níl ach aon bhean amháin aige “ ar seisean agus n’seadfad sé smacht a chuir uirthi. “Feach mise is deich cínn is ficead de mhnáibh agam agus nach maith a chuirim smacht ortha. Tá sé ag imteacht fé na déin anois agus ní thiocfaid sí leis acht tá coill

   (continues on next page)

   

   Transcribed by a member of our volunteer transcription project.

   History Edit

   Folktales index

   AT0517: The Boy who Learned Many Things

   AT0670: The Animal Languages

   Language

   Irish

   Collector

   Máirín Phádraig Uí Dhála

   Gender

   Female

   Address

   An tOileán Buí, Co. Kerry

   Informant

   Muiris Ó Connaill

   Gender

   Male

   Address

   An Chillín Liath, Co. Kerry