School: Áth Dúna, Gleann an Phréacháin, Mainistir Fhearmuighe (roll number 12542)

On this page

1. Maidin Aoibhinn Fómhair

   

   Share Share Post

   Maidin aoibhinn Fhoghmhair,
   is mé ag gabhail an bhóthair síos,
   Do casadh cailín óg orm,
   'Sí ag crúdh a bó, cois claidhe,
   Bhí a cúl buidhe, mar an ómra,
   Agus scáíl a róis, n-a píop:
   "Is mo chúmha gan mé agat pósta
   A chailín óg mo croidhe!"

   
   "A inghean óíg, na bíodh cás ort,
   Ná buadhairt i lár do croidhe;
   Mar gheóbhair-se an t-slighe seo i mbáireach,
   S cuir céad fáílte roimhe.
   Socraigh suidheachán árd fúinn,
   I n-imeall, nú i lár an tighe:
   Tóg do hata, id láimh dheis,
   Is gheóbhair do ráca airís."

   
   "Is maith an féar 'sa bhFoghmhair, mé,
   Do'n té, go mbeadh gnó aige dhíom,
   Do dhéanfainn cruach, nú stáca,
   Nú chuirfinn scóip ar chlaidhe
   Do threabhfainn iomaire bhán duit,
   Nú chruithfinn gráinne an tsíl:
   'S do chasfainn súiste im láimh dheis,
   Má gheobhaim mo shásamh díol."

   
   Domhnall óg Ó Ceallacháin do thóg síos, ó bhean
   Michillí Geibheannaigh, Maoilín,
   i gCarraig na bhFear

   

   Transcribed by a member of our volunteer transcription project.

   History Edit

   Topics

   1. genre
      1. poetry
         1. folk poetry (~9,504)

   Language

   Irish

   Collector

   Domhnall óg Ó Ceallacháin

   Gender

   Male

   Informant

   Bean Michil Uí Geibheannaigh

   Gender

   Female

   Address

   Meeleen, Co. Cork