Scoil: Scoil na mBráthar, Cathair na Mart

Ar an leathanach seo

1. Scéal Fear Bearna

   

   Roinn Roinn Postáil

   Seáinín Sheáin Ó Fhlaibhtheartaigh as Baile Locháin-Indreabhán, i gCo na Gaillimhe d’innis. Tá clú ‘s cáil ar Sheáinín Sheáin mar sheanchaidhe.
   “Sgéal Fear Bearna”
   Seán Ó Mulála
   D’fhág Seán bocht Bearna agus d’imthigh sé go Amerioca. D’imthigh sé le bochtaineacht. Fuair sé obair h-éis dhul anonn dó. H-éis sgathaimh a dhéanamh oibre fuair sé páigh bheag. Chuaidh sé ag a’ stór a ceannacht bailcisí éadaigh agus uaireadóir nach [ábhar ar iarraidh ar imeall an leathanaigh] ro-dhaor. Ach h-éis sin bhí Seán bocht ar bheagán airgid. Casadh leis comrád agus comráidí eile. Ghluais leob go teach an ósta le béal [fheiste] beag. Casadh isteach i seomra iad i dteach an ósda. Bhí triúr “mná” annsin rómpa ag ól a ndeoch féin ‘s a’ breathú sugach go leor. Bhí na mná an-fhailteamhail rompa agus d’fhiafruigh ceann acu do Sheán “beidh deoch a’ad a Sheáin?” ars’ ceann de na mnáibh. “Beidh” arsa Seán “agus go rabh maith agat”.
   Tháinic an deoch agus d’ól siad é agus nuair a bhí sin déanta d’fhógair an tarna bean deoch eile agus tháinic. D’fhógair an tríomhadh ceann an cineál céadna agus tháinic agus d’ól. D’fhógair Seán bocht an deoch céadna. [D’all] sé a [phóca] agus bhí an scéal níos dona ná sin aige. Thuit Seán ar a’ meisge agus d’fhan sé annsin go rabh sé domhain amach san oídhche, ins an meisge agus nuair tháinic maith air, dhírigh sé é féin suas agus bhreathnaigh ar an áit stráinséarach dhó agus dubhairt sé leis an mbean “Cá’il mé?” “Tá tú in áit shábháilte einteacht liom-sa” adeir sí.
   “Comráidí dona a d’fhág annsin tú ach ar chuma ar bith beidh tú ceart”. Ghluais leob. Thug sí ag a teach féin Seán. Teach beag fánach agus staighre árda go dí an doras. D’fhosgail sí an doras a’s chuaidh sí féin agus Seán isteach agus céard a bhí annsin ach beithidheach mór dhó fhear mór dubh. Tháinic anoir as a’ seomra. “Tá tú [ann] a bhuachaill” ar sé le Seán. “Céard a chas annseo tú?” Níor labhair Seán tada [ábhar ar iarraidh ar imeall an leathanaigh] bhuail eaga agus brón mór é nidh nárbh iongnadh. Rug sé greim ar Sheán agus d’oibrigh an bhean a’ baint na mbailcisí dho. Nuair bhí sin bainte dhó anuas, chaith an fear mór [ábhar ar iarraidh ar imeall an leathanaigh]

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   C. J. Ó hAoláin

   Inscne

   Fireann

   Faisnéiseoir

   Seáinín Sheáin Ó Flaithbheartaigh

   Inscne

   Fireann