Scoil: Cruach (uimhir rolla 15931)

Ar an leathanach seo

1. Dóchas na Caillí (ar lean)

   

   Roinn Roinn Postáil

   (ar lean ón leathanach roimhe)

   b’fhada an lá marbh í ach is doiligh droch dhuine a mharbhadh. Indiaidh comh claoidhte is bhí sí ní rabh meath ar bith ar a teangaidh. Bhí bacach ag gabhail thart san áit agus bhí an t-iomradh go rabh crathan-feasa aige. Oidhche amháin bhuail sé isteach chuig an t-sean phéire seo agus d’iarr sé fosgadh an toighe go maidin. Dubhairt an sean-duine go bhfuigheadh agus míle fáilte ach go gcaithfeadh sé a dhícheall eolais a thabhairt, caidé a bhí ag caitheadh ar an t-sean-mnaoi.
   Dubhairt sé go ndeánadh sé sin agus fáilte. Chuaidh se suas go dtí an leabaidh agus stár sé go géar eadar an dá shul ar an t-sean mnaoi agus leoga níorbh én deagh-fhocal a bhí ar bharr a teangaidh léithe. Sheasuigh sé tamall ag amharc uirthí agus í ag gabhail mur bhéadh muillean ann ag scianadh ó bhallaí na glóire. D’éist sé léithe fada buan. Fa dheireadh chraith sé a cheann agus shiubhal sé aníos agus síos fríd an teach. D’fhiafruigh an sean-dhuine dó caidé a bharamhal díthe.
   “Droch bharamhal,” ar seisean. “Chuaidh an diabhal isteach idir dhá easna innte agus is deacair ar cóir a chur air”. “An bhfhéidir í a leagheas”, ars an seandhuine.
   “Níl do leigheas uirthí,” ars seisean, “ach aon leigheas amháin agus tá an leigheas sin i bhfad ar shiubhal”.
   “Innis domh,” ars fear an toighe,” agus dheánfaidh mé mo dhícheall le na fághail.”
   “Tá crann creathach,” ar seisean, “ag fás amuigh

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Mollaidh Ní Ghallchobhair

   Inscne

   Baineann

   Faisnéiseoir

   Seán a Gallchobhair

   Inscne

   Fireann

   Aois

   80

   Seoladh

   Mín na Cloiche, Co. Dhún na nGall