Scoil: Lougheraherk (uimhir rolla 12118)
- Suíomh:
- Loch Dhoire Thoirc, Co. Dhún na nGall
- Múinteoir: Máire Nic Ceannfhaola
![Bailiúchán na Scol, Imleabhar 1047, Leathanach 124](https://doras.gaois.ie/cbes/CBES_1047%2FCBES_1047_124.jpg?width=1600&quality=85)
Tagairt chartlainne
Bailiúchán na Scol, Imleabhar 1047, Leathanach 124
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
- XML Scoil: Lougheraherk
- XML Leathanach 124
- XML (gan teideal)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
(gan teideal)
“Bhí fear ann aon uair amháin agus bhí bean aige. Fuair an bhean bás agus d'fhág sí dílleachta gasúir in a diaidh. Ní dheachaidh bliadhain thart gur phós an baintreacht ath-uair...”
“Bhí fear ann aon uair amháin agus bhí bean aige. Fuair an bhean bás agus d'fhág sí dílleachta gasúir in a diaidh. Ní dheachaidh bliadhain thart gur phós an baintreabhach ath-uair.
Bhí go maith a’s ní rabh go h-olc gur éirigh clann na mná eile aniós, agus mar is gnáthach, chá rabh an leas-mháthair maith nó cinealta do’n dílleachta. Bhéarfadh sí air an t-uathbhas oibre a dheánamh agus ins an am céadna ag spárail a cuid páisdí fhéin. Nuair ba mhian leithe rud ar bith a fhághail deánta, sínfeadh sí a méar fhad leis an dílleachta sin an dóigh ar ghnáthach léithi an t-órdú a thabhairt dó.
Choinniughadh sí géacha agus am éigin acha’n oidhche shinfeadh an leas-mháthair a méar fhad leis an dílleachta ag tabhairt le fios dó go rabh an t-am aige ann na géacha a chruinniughadh agus iad a chur isteach sa chró.
Ach le sgéal fada a dheánamh goirid, ba ghoirid an saoghal a thug an dara bean léithi ach oiread agus tháinig an lá nuair a fuair sí bás. An oidhche chéadna sin chan an dílleachta an rann seo a leanas:
“A ghioll’ udaidh a shíneas a mhéar
Cuir fhéin na geacha ‘nocht isteach,
Cé gur beag an deifir atá eadar indiú a’s indé
Is goirid a bhíos toil Dé ag teacht.”- Bailitheoir
- Máire Nic Ceannfhaola
- Inscne
- Baineann
- Faisnéiseoir
- Seán Mac Niallghuis
- Inscne
- Fireann
- Aois
- 50
- Seoladh
- Dún Allt, Co. Dhún na nGall