Scoil: Doireadh (uimhir rolla 12946)

Ar an leathanach seo

1. An Rí agus a Thriúr Iníon (ar lean)

   

   Roinn Roinn Postáil

   (ar lean ón leathanach roimhe)

   na searbhóntaí an sgéal dóibh. Lá amháin annsin bhí buachaill aimsire an Ríogh ag tabhairt aire do cheithre mhuc sa ngarraidhe. Ba gearr go dtáinig fear go dtí é agus thug sé feadóg dó ar cheann de na muca. Nuair a tháinig sé abhaile go dtí an Rí bhí an rí feargach leis. An dara lá bhí sé ag tabhairt aire do na muca tháinig an fear aríst agus thug sé mada mór dhó ar cheann eile de na muca. Nuair a tháinig sé abhaile aríst go dtí an Rí bhí an rí feargach freisin mar bhí sé an chéad oidhche.
   An tríomhadh lá chuaidh sé amach aríst leis na muca agus thug an fear seo madad eile dhó ar cheann de na muca. Nuair a tháinig sé abhaile go dtí an Rí dubhairt sé go ndíbhreóchadh sé é dá ndéanadh sé aríst é. An ceathramhadh maidin nuair a chuaidh sé amach leis an t-aon mhuc eile tháinig an fear aríst agus thug sé madadh mór eile dó ar an muic agus thug sé a bheannacht dhó. Nuair a tháinig sé abhaile dhíbir an Rí é.
   D'imthigh sé leis agus thug sé na trí mhada agus an fheadóg leis. Bhí sé ag imtheacht leis nó go dtáinig sé go teach a bhí an mhór. Ba teach fathaigh a bhí ann. Chonnaic sé an inghean ba shine a bhí ag an Rí ann. Daithnigh sí é agus dubhairt leis theacht isteach

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Faisnéiseoir

   Mícheál Ó Conghaola

   Inscne

   Fireann

   Aois

   69

   Gairm bheatha

   Táilliúir (Léirítear teidil na ngairmeacha i mBailiúchán na Scol sa bhunteanga inar cláraíodh iad)

   Seoladh

   Doire an Fhéich, Co. na Gaillimhe