Scoil: Sailearna (Buachaillí)
- Suíomh:
- Selerna School, Co. na Gaillimhe
- Múinteoirí: M. Ó Catháin Bean Uí Chatháin T. Ó Séaghdha
Tagairt chartlainne
Bailiúchán na Scol, Imleabhar 0061, Leathanach 0405
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Bhí fear bocht ann fadó ina chomhnuidhe amuigh faoi an tuaith. Ní raibh de mhaoin an t-saoghail aige acht aon bhó amháin agus lá amháin chuaidh sé go dtí an baile mór agus dhíol sé an bhó. Fuair sé luach maith uirthi. Annsin chuaidh sé isteach i dteach ósta agus d'fhág sé cuid de'n airgead ann agus dubhairt sé leis an bhfear ósta go dtiocfadh sé aríst agus go n-iarrfadh sé ól air. Dubhairt sé leis freisin go mbuailfeadh sé buille dhá hata ar an mbord nuair a bheadh seisean (an t-óstóir) ag éileamh an luaich, agus go ndearfadh sé leis "An n-íocfaidh sin tú? Déanfadh sin," arsa an t-óstóir.
Chuaidh sé go dtí an chéad teach eile agus dubhairt sé an rud céadhna, agus ar an gcuma céadhna rinne sé leis an tríomhadh teach.
Casadh isteach san mbaile mór aríst é cúpla lá ina dhiaidh sin agus triúr buic mhóra i n-éinfeacht leis. Thug sé isteach san gcead teach ósta iad agus thug sé ól dhóibh agus nuair a cheap fear na bó an t-airgead a bheith caithte ar an ól bhuail sé a cháibín ar an mbord agus dubhairt sé leis an t-óstóir, "An n-íocfaidh sin thú?" agus dubhairt an t-óstóir na focla a dubhairt sé fhéin (fear na bó) leis cúpla lá roimhe sin.(leanann ar an chéad leathanach eile)
