School: Scoil Éinde, An Spidéal

On this page

1. Scéal (continued)

   

   Share Share Post

   (continued from previous page)

   eisean do bheith dhá leanamhuint agus ceangail siad é le téadaibh agus le cordaibh láidir do chrann mór darach agus d'imthigheadar leó. Acht ní raibh siad leath-uaire imthig nuair a tarraing Murchadha an crann mór as na fréamhacaibh agus as go brác leis na ndiaidh. Rug sé orra mar bhíodar ag dul cois geata mhóir. Thug siad bualadh millteach dhó, agus ceangail siad le téadaibh é don gheata mhór iarainn é féin agus an crann agus d'imthigh siad ar a n-aghaidh. Acht ní raibh siad níos mó ná leath-uaire imthighe, nuair a tarraing Murchadha an geata as na postaibh, agus as go brác in-a ndiaidh. Nuair rug sé orra an t-am seo dubhairt siad go raibh sé chomh maith dóibh é do sgaoileadh agus searbhóghant do dhéanamh dhó. Rinne siad sin agus bhí sé na shearbhóghanta (do) acha. Bhíodar annsin ag imtheacht agus ag síor-imtheacht go dtáiniceadar i ngar do'n chaisleán a raibh rí na Spáinne. Annsin dubairt Domhnall, rachadh mé go mbéidh amharc agam ar inghean an rí agus fanadh sibhse annseo go dtagadh mise ar ais. D'imthigh sé leis agus nuair tháinig sé ingar don chaisleán chonnaic sé leomhan mór ar gach taobh de'n gheata. Tháinig faitchíos ar agus d'imthigh sé ar ais agus dubhairt sé le na dearbhraitheacha, ní fhaca mé aon bhean ariamh chomh grándha le inghean an ríogh. Béidh amharc agam uirrí arsa Brian. Chuaidh sé féin chomh fada, agus chuaidh Domhnall, acht nuair chonnaic sé an dá leomhan bhí faitchíos air, agus d'fill sé ar ais agus dubhairt sé. Is fíor dhuit a Dhomhnall ar sé, níl bean annsan domhan leath chomh grándha

   (continues on next page)

   

   Transcribed by a member of our volunteer transcription project.

   History Edit

   Folktales index

   AT0550: Search for the Golden Bird

   Language

   Irish

   Informant

   Seán Ó Curraidhin

   Gender

   Male

   Age

   60

   Occupation

   Feirmeoir

   Address

   Doire Locháin Thiar, Co. Galway