School: Na Corráin (roll number 9938/9)

On this page

1. Smachtú na Mná Boirbe

   

   Share Share Post

   Seana fhocal é, agus is fado, fado do ráidhte, "Go smachtuigeann gac aoinne an bhean bhorb acht an té go mbionn sí aige." Is annamh a sháruightear an seanafhocal, adeirtear, mara shárófí le sean-fhocal eile é, ach bhí fear amháin ann uair is do sháruig sé an sean-fhocal so, pé'r sa domhan scéal é, agus anois, a lucht éisteachta ar eagla go dtárlóchadh d'aoinne díbh-se, nár leagaidh Dia go dtárlóchadh, bheith i gcás an fhir seo scaoilim cugaibh an scéal fé mar a chuala féin é, agus má réidhtigheann sé libh mar sheift níl a bhac oraibh triall a bhaint aisti.
   Feirmeóir mór-thábhachtach a bhí ann uair, go raibh muirgheal mhór ingean air, seisear nó mór-sheisear éigin, nó bféidir níos a' mhó. Cailíní maithe, ciallmhara, grástamhla, críochnamhla do beadh an seisear ba shine achu, ach níor mhar sin don té ab óige. Bramallóg mhí-reáireach, cheanndána do beadh í, go raibh an saoghal agus a muinntir féin tuirseach corrtha dhi. 's ná féadfadh an tuatha-dé-danann, ná an dá mhac Uilliam, na Árístotle féin cé gur mór le rádh é, aon cheart a bhaint di. Bhí a h-athair 's a driféaracha fe gad is fé smacht aici, is na comharsain cómh maith leó. Nuair d'eirigheadh uirthi, níor bhfearrde an tig nó an baile an clampar agus an t-achrann a tarraigeadh sí orta 's ná leomhfadh eagla d'aoinne cosg ná stop a chur lei, ná aon cuir's'teach a chur uirri ach cómh beag.

   (continues on next page)

   

   Transcribed by a member of our volunteer transcription project.

   History Edit

   Folktales index

   AT0901: Taming of the Shrew

   Language

   Irish

   Collector

   Cormac Ó Muircheartaigh

   Gender

   Male

   Occupation

   Múinteoir

   Address

   Na Coirríní, Co. Chiarraí

   Informant

   Eibhlín Uí Chonchobhair

   Gender

   Female

   Age

   c. 30

   Address

   Buaile Uí Chuill, Co. Chiarraí