School: Dún-dá-radharc (roll number 15009)

On this page

1. Caisleán Mhaigh Chromtha

   

   Share Share Post

   I mbaile mór Maghchromtha tá sean-chaisleán. Deirtear gur Muinntear Uí Fhloinn a thóg é ach níl aoinne cinnte. Tá a lán sean-scéalta ag gabháil leis an bhfothrach san.
   Deirtear go raibh fear na chómhnuidhe i n-áit éigin timcheall na h-áite go raibh duais trom taisgthe ar a cheann. Chaitheadh sé oidhche annso agus eadarshudh annsúd ach oidhche amháin bhí sé ar a lóisdín i dtigh a charad i gCluaindrochid. Bhí fhios ag an gcaraid go raibh an duais sin ar a cheann agus theastuigh airgead uaidh chun spré do thabhairt d'á inghin. Dubhairt sé leis an bhfear go raibh eagla air é a choimeád sa tigh ach gur bhféidir leis codladh ins an sgioból féir amuigh. Dhein sé mar dubhradh leis agus i lár na h-oidhche d'imthigh fear an tighe amach agus do bhain sé an ceann de le sgéin an fhéir. Thóg sé an ceann leis go Caisleán Maghchromtha agus nuair a bhí sé ag gabháil thar an droichead, cé bhuail uime ach athair an duine a bhí marbh agus dubhairt sé leis go raibh sé taréis párdún d'fhághail d'á mhac. Chaith sé an ceann isteach thar badhbhdún an droichead agus chuaidh sé abhaile go dubhach dubhrónach.
   Deirtear gur nígh sé an ceann i dtobar a bhí i mbaile fearainnn Árd na Croise i bparoíste Cluaindroichid agus gur tugadh "Tobar an Chinn" ar an tobar san. Dúnadh é roinnt bliadhanta ó shoin

   

   Transcribed by a member of our volunteer transcription project.

   History Edit

   Topics

   1. objects
      1. man-made structures
         1. historical and commemorative structures (~6,794)

   Language

   Irish

   Collector

   Pádraig Ó Séaghdha

   Gender

   Male

   Address

   Dún Dea-radhairc, Co. Cork

   Informant

   Diarmuid Ó Loingsig

   Gender

   Male

   Age

   50

   Address

   Inse na hAmhraí, Co. Cork