Scoil: Dún Lúithche (uimhir rolla 16423)

Ar an leathanach seo

1. Ceantar Dhún Lúiche (ar lean)

   

   Roinn Roinn Postáil

   (ar lean ón leathanach roimhe)

   ba é an gnás ins na poblacha seo na páisdí uilig a chur an Lagain ar feadh sé mhí don bliadhain, le na mbeatha a shaorthugadh , agus ba é an bealach seo a ba gnáthach leo a suibhal ag imteacht agus ag pilleadh a bhaile.
   
   Sé mhíle agus fiche fad an bealaig seo go Litir Ceanainn, agus creidim gur iomdha croidhe cráidte agus cos sgallta a chuaidh an t-slighe ceadna.

   Na fir a bhí ag dul go halbain, thrialladar an bealach ceadna ag imteacht agus ag pilleadh agus an ualaigh leobhta ar a nguailneacha.
   Tá deireadh leis an sglábhuideacht seo le fada, agus is maith an biadh ar siubhal é.

   Níl fiachadh ar dhuine ar bith na bealaigh seo a shiubhal anois tá gléasaí gasta le na n-iomcar: agus i náit daoiní a bheith ag tabhairt a gcúl ar a bhaile tchídim gach samhradh gluaisteain mhóra as Sasain as Albain, ag tabairt famairí go dtí teac ósta Ghaoith-Dobhair, ar a gcuid laethe saoire. Déirig suas moran tighthe ósta fríd an phobail seo ar na maillibh, agus seo an bealach a dtig na strainseirí ar cuairt.

   Nach mór an t-áthrach seo i leith-chéad bliadhain?

   Ní mheasaim go rabh daoine na gcómhnuide san áit seo go dtí le cupla céad bliadhain.

   Saoilim gur daoiní as íochtar tíre a tháinig ar tús le scot sa t-samradh ar féarach

   Tá cuid mhór áiteacha ins na cnoic seo ainmnighthe as cró
   mar, cró caorach
   cró nimhe
   cró na mbroc
   cró na snáthaide
   cró nimhe

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Séumas Mac Giolla Bhríghde

   Inscne

   Fireann

   Gairm bheatha

   Múinteoir (Léirítear teidil na ngairmeacha i mBailiúchán na Scol sa bhunteanga inar cláraíodh iad)