Scoil: Páirc na Sceach (uimhir rolla 13856)

Ar an leathanach seo

1. Ciste Óir i bhFolach

   

   Roinn Roinn Postáil

   Ciste óir i bhfolach
   Bhí fear an-saidhbhir in-a comhnaidhe i dteach ins na Forbacha tráth. Bhí corcán d’ór na Spáinne aige. Bhí na péin-dlighthe i bhfeidhm an t-am seo agus bhí faitchíos air go bhfuigheadh a namhaid é. Chuaidh sé amach lá agus thug sé an t-ór leis cun í a chur i bhfolach. Shiubhal sé tuairim is leath-mhíle go dtáinig sé chomh fada le cloch mhór, Cloch na Sidheóg a dtugtar ar an áit agus chuir sé an t-ór i bhfolach fá’n gcloich. D’fhág sé annsoin é agus níor chorruigh sé é ná níor chorruigh aon duine eile é ach oiread. Díreach nuair a bhí sé ag fághail bháis ghlaoidh sé ar cheann de na comhursain chuige agus thug sé an rún dó. Cailleadh an fear agus cuireadh é. Nuair a bhí sé seal curtha d’innis Seán Ó’Loideán, sin é an t-ainm a bhí ar an bhfear a tugadh an rún dó, le comhursa dár b’ainm Seán Gabha fán rún. Bheartuigheadar eatorrtha féin go rachaidís ag lorg na h-áite an lá in a dhiadh sin,
   Lá’n na bháireach chuadar go dtí an áit. Chonnaic Seán Ó’Loideán an chloch mhór agus rith sé chuige agus tosuigh sé ag cartú faoi. Níorbh fhada go dtáinig sé chomh fada leis an t-ór agus ní raibh sé i ndon labhairt le teann áthais. Annsoin rinne sé comhartha le Seán Gabha teacht de cabhair air agus mo léan rinne sé amhlaidh. Nuair a tháinig Seán Gabha go dtí an áit ní raibh táisg ná tuairisg le fáfgail ar an t-ór agus gan le feiceáil ach leac bheag. Is dóigh nach raib ceart ag Seán Ó’Loideán innseacht do neach beo fá’n t-ór agus gurbh shin é an

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. seánra
      1. creidiúint (~391)
         1. creidiúint choiteann (~2,535)
            1. ór i bhfolach (~7,411)

   Teanga

   Gaeilge

   Bailitheoir

   Máire Ní Cheara

   Inscne

   Baineann

   Seoladh

   Barr na Crannaí, Co. na Gaillimhe

   Faisnéiseoir

   Mícheál Ó Flannachadha

   Gaol

   Duine gaolta (nach tuismitheoir ná seantuismitheoir)

   Inscne

   Fireann

   Aois

   72

   Gairm bheatha

   Feirmeoir (Léirítear teidil na ngairmeacha i mBailiúchán na Scol sa bhunteanga inar cláraíodh iad)

   Seoladh

   Barr na Crannaí, Co. na Gaillimhe