Scoil: An Dúinín (uimhir rolla 4444)
- Suíomh:
- An Dúinín, Co. Chorcaí
- Múinteoir: R. Ó Motharua
![Bailiúchán na Scol, Imleabhar 0298, Leathanach 147](https://doras.gaois.ie/cbes/CBES_0298%2FCBES_0298_147.jpg?width=1600&quality=85)
Tagairt chartlainne
Bailiúchán na Scol, Imleabhar 0298, Leathanach 147
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
- XML Scoil: An Dúinín
- XML Leathanach 147
- XML “Cogadh na nDeachaithe”
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Le linn an chogaidh seo, d'eirig gráscar idir na báillí agus feirmeoiri na h-áite ag Tráigh Líogach ar an dtaobh theas de pharóiste an Ghleanna. Is amhlaidh a chuaidh na báilli, na póilíní agus saighdiúirí ann, maidin áirithe sa bhFómhair cun earraí agus caoire do bhreith leo in ionad cánach.
Do sheas muinntir na h-áite le ceile in a gcoinnibh ach má sheas, d'ionnsuig na saighdiúirí iad. Marbhuigheadh fear amháin darab' ainm dó ÓRéagáin - tá sé curtha sa roilig ag Cuan Caisleáin agus leac os a chionn - Goineadh beirt no triúr eile agus lámhachadh pílear amháin. Bhí an pílear sínte i log uisce ar an dtráig agus bhí an t-uisce cómh dearg le fuil ó'n doirteadh fola. Deirbhsiúr an fhir abhí marbh, darb' ainm di Nell Ruadh, bhí sí ar a glúinibh ad' iarraidh an pílear do mharbhú. Do shaith sí cloch dhubh siar in a scórnaigh. Do ghlaoidh sé amach, "Mercy! Mercy! "Mercy an diabhail ort", do fhreagair Nell. Tá rann againn fós idtaobh an eachtra:-
"Bhí an pílear sínte siar gan snag
Agus cloch mhór chíor in a chlab"
Ní dóithighe rud, ná go ndéanfaí a thuille díoghbhála ach thánaig an sagart an treo - An t-Athair Traoi[?] - agus Coirnéal Somerville o Baile'n Chaisleáin in a theannta. Do stopadar an troid. Sin é an chúis go ndubhairt file:-
"Mara mbeadh an buinneán fíor-uasal
Agus an sagart ba mhór é le rádh
Do leanfaí go teasaidhe ó thuaidh iad
Is déanfaí dhóibh pluais ar an dtráig"(leanann ar an chéad leathanach eile)- Faisnéiseoir
- Máire Ní Shiothcháin
- Inscne
- Baineann
- Aois
- 30
- Seoladh
- An Bán Íseal, Co. Chorcaí