Scoil: Cruach (uimhir rolla 15931)
- Suíomh:
- Croagh, Co. Donegal
- Múinteoir: Séamus Mac Duibhir
Tagairt chartlainne
Bailiúchán na Scol, Imleabhar 1038, Leathanach 120
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
- XML Scoil: Cruach
- XML Leathanach 120
- XML “Scéal Chamach na Luatha Buí”
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Bhí sin ann agus má’s fada a bhí, bhí fear saidhbir ‘na chómhnuidhe sa tír seo agus ní rabh aige ach nighean amháin nuair a fuair a bhean bás. Cailín maith cneasta, mácanta a bhí inntí, ní rabh lá ar bith nach rachfadh sí go h-uaigh a mathair go n-abrochadh sí a h-urnaighe agus go gcaoinfeadh sí a sáith. Le teacht an Gheimhridh chumhdaigh an sneachta an uaigh ach le teacht an Earraigh d’imthigh an sneachta agus d’fhás neóiníní ‘san áit. Le teacht an tSamhraidh phós an fear saidhbhir baintreabhach mná a rabh beirt nighean aicí agus thug ‘na bhaile iad. Níor bhfada go dteachaidh an leas-mhathair a chaitheamh an droch-cheann leis an dílleachta. Bhain sí duithe an t-eadach maith a bhí uirthí agus chuir sean-eadach uirthí ‘na áit. An méid dá obair a bhí le deánamh fá’n áit is í a chaitheamh a dheánamh. Ní rabh leabaidh le luighe uirthí ach sínte cois na teinneadh agus ní rabh de ainm aca uirthí acht chamach na luagh buidhe.
Lá amháin bhí a h-athair ag dul ‘un aonaigh agus chuir sé ceist ar na leas-nigheanach caidé na rudaí deasa a bheirfeadh sé chuca ó’n aonach. Bean aca a d’iarr gúna agus d’iarr a bhean eile hata agus bróga, “Agus caidé béas liom chugat-sa le mo nighean fhéin" ar seisean.(leanann ar an chéad leathanach eile)
