Scoil: Inis Oirthir (Inisheer) (uimhir rolla 13322)

Ar an leathanach seo

1. Dubhailimín (ar lean)

   

   Roinn Roinn Postáil

   (ar lean ón leathanach roimhe)

   d’fhiafruigh an rí dhé cá raibh sé ag dul no ceard a thug an bealach seo é. ‘Ag iarraidh t-inghin le do thoil, ‘ ar seisean. ‘Tá sin le fághail agat agus fáilte’ arsa an rí.
   Fuair sé an t-inghin agus pósadh iad agus bhí bainis seacht n-oíche agus seacht lá acu agus an lá deireannach chomh maith leis an gcéad lá. Thug sé leis an mbean annsin le dhul abhaile agus síos leis ag an mbád agus go leór eile inéindigh leis isteach leis san mbád agus chroch sé uirrí. Ní raibh sé i bhfad ag seóladh nó gur thuit a chodhladh ar mhac Rí Éireann mar nár chodail sé néal le seachtmhain roimhe sin. Thuit sé na chodladh agus ar fhaitchíos go bhfuigheadh sé fuacht thosuigh sí ag ceangal tuighe go dlúth na thimcheall.
   Ba gearr go bhfaca an bhean bád ag déanamh uirri agus gan innte ach aon fhear amhain. Ba ghearr go raibh sé istigh san mbád aici agus nuair a chonnaic sé an fear eile rug sé air agus chaith sé na mílte san fharraige é agus d’imthigh leis fhéin agus leis an mbean. Bhí mac Rí Éireann ag imtheacht ar uachtar na fairrge mar níor thug an tuighe cead dhó a dhul síos ach é ag imtheacht le sruth is le mór fhairrge nó faoi dheire tháinic sé ar dtír. Bhí daoine ag obair cois fairrge agus fuair siad é agus dubhairt siad le chéile go mba cheart dóibh an corp a chur agus thug siad suas é go dtí an poll acht níor éirigh leó é bheith clúdaigh acu nuair dhúisigh sé.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Innéacs seanscéalta

   AT0400: The Man on a Quest for his Lost Wife

   Teanga

   Gaeilge

   Faisnéiseoir

   Micheal Céin

   Inscne

   Fireann

   Seoladh

   An Formna, Co. na Gaillimhe