Scoil: Tulca (uimhir rolla 1396)

Ar an leathanach seo

1. Obair na nDaoine Fadó (ar lean)

   

   Roinn Roinn Postáil

   (ar lean ón leathanach roimhe)

   Do chonnaic mé muinntir Ghleann Ghairbh ag dul go Neidín a mbróga mar a dubhras agus gan aon trácht ar chasóig mhóir le linn a mbeatha. Do mhair a lán daoine i mBunán nár chaith casóg mhór riamh.

   Pé obair riachtanach a bhíodh á dhéanamh bhíodh meithiol aca. Bhíodh meithiol ag an bhfeirmeoir ag baint móna, agus sara mbíodh béile bídh ithte aca bhíodh an chéad fhód den bport (80 nú níos mó slat ar [a] fhaid) bainte agus ní bhíodh chun breacfeásta acht prátaí plúracha agus bainne reamhar mar annlan. Ba ghnáthach leis na fearaibh tamall den tráthnóna a chaitheamh ag rith nú ag caitheamh truslóg lámh leis an bport. Bhíodar go hiongantach leis nuair a dheineann tú machtnamh ar an saghas bídh a [d']ithidís (n-ithidís sa lámhscríbhinn) le linn an ama sin. Do mhair fear i gCúl na gCupóg, i mBunán agus tar éis greas reatha - fiche slat [a] léimeadh sé go haicillighe thar dhruim chapaill áird a bhí ag duine eile, agus dheineadh sé an gaisce céadna ón dtaobh eile. Chuireadh sé slat fhada ar bharr cluaise duine a bhí suas le sé troighthe is ceithre órlaighe ar aoirdeacht go barr cluaise duine eile agus léimeadh sé thar an treasnán gan aon duadh

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. gníomhaíochtaí
      1. gníomhaíochtaí eacnamaíocha
         1. talmhaíocht (~2,659)

   Teanga

   Gaeilge

   Faisnéiseoir

   Pádraig Ó Súilleabháin

   Inscne

   Fireann

   Aois

   65

   Gairm bheatha

   Fear poist (Léirítear teidil na ngairmeacha i mBailiúchán na Scol sa bhunteanga inar cláraíodh iad)

   Seoladh

   Na Millíní, Co. Chiarraí