Scoil: Tulca (uimhir rolla 1396)

Ar an leathanach seo

1. Tiarnaí Beaga nó 'Middlemen' (ar lean)

   

   Roinn Roinn Postáil

   (ar lean ón leathanach roimhe)

   Do chuir duine dhíobh teachtaire chun duine lá. I lár an tSamhraidh é agus d'fhógair sé dó bheith ag tigh an duine mhóir maidean áirighthe chun féir a thabhairt isteach. Toisc an deabhaidh a bhí ar an bhfeirmeoir bocht, thug sé an diúltadh dó. Ag an gceárdchain bhí an feirmeoir nuair [a] fuair sé an teachtaireacht ach faic níor bhraith go dtí go raibh an "middleman" taobh amuigh den gceárdchain ar mhuin chapaill. Ghlaoidh sé amach an feirmeoir agus d'fhiafruigh sé de cad 'na thaobh nár tháinig sé ar dtúis. Tháinig an fear ina bhfiadhnaise agus sheas sé i gcúinne idir chlaidhe agus falla na ceárdchan agus nuair [a] thug sé an diúltadh airís níor dhein an bodaire acht na spuir do chur le maotháin an chapaill. Thosnuigh an capall ag speachaigheal i dtreo an fhir bhoicht acht nuair do chonnaic an gabha foirteamhail an púnc ina raibh sé. Léim sé amach i láthair na huaire agus bhuail sé buille den gcasúr a bhí ina láimh ar chliathán an chapaill a chuir péirse amach ar an mbóthar é. Deirtear gurbh é sin an chéad duine go raibh de dhánaidheacht air lámh do chur ar na "middleman" i mBonán. Do chonnaic mé an tseancheárdchan go minic i Milíní.

   Ó Dhonnchadh Ó Séaghdha (58 bliana), Cúl na gCupóg, an Bunán.

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Faisnéiseoir

   Donchadh Ó Séaghdha

   Inscne

   Fireann

   Aois

   58

   Seoladh

   Cúil na gCopóg, Co. Chiarraí