Scoil: Baile Mhúirne (C.) (uimhir rolla 15347)
- Suíomh:
- Baile Bhuirne, Co. Chorcaí
- Múinteoir: Eibhlín Bean Uí Bhuachalla
Tagairt chartlainne
Bailiúchán na Scol, Imleabhar 0330, Leathanach 278
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Bhí Muinntir Thuama agus muinntir Loinghsigh ana mhór le 'na chéile riamh i mBaile-Mhúirne. Ní raibh ach an t-aon saoghal amháin eatortha. Do théigidís ag fiadhach coiníní, agus giorrfaidhthe gach Domhnach, agus pé rud a geobhaidís do roinnfaidís go cothrom eatorra féin iad.
An Domhnach so do chuadar ag fiadhach mar ba ghnáth agus pé mí-ádh abhí ortha ní bhfuaradar ach aon giorrfhiadh amháin agus nuair a thánadar abhaile ní raibh a fhios aca conus a roinnfidís é. Pé sgéal é do thóg Muinntir Thuama é agus b'shin é a thosnuig an céad rud eatortha. Is cuimhin lem' mháthair nuair a bhí sí ana óg go dtáinig fear isteach cúcha agus bhí a muinéal gearrtha chómh h-olc san go raibh an ceann ag sileadh leis.
Ní raibh aon dochtúir níos cómhgaraighe ná Maghchromdha an uair sin. Bhí bean 'na chómhnuidhe in aice leo an t-am san agus bhí leanbh beag aici. Chuireadh mo mháthair amach chun na mná san 'á rádh léi teacht isteach agus b'é an gnó abhí aca di ná bainne cíche na mná san a chur leis an muinéal chun é a cheangal le chéile agus do dhein agus do cheangal sé agus do mhair sé ar feadh abhfad 'na dhiaidh san chun díoghaltas a bheith aige ar na daoine a dhein leis e.
- Faisnéiseoir
- Máire Bean Uí Shúilleabháin
- Inscne
- Baineann
