Imleabhar: CBÉ 0312

Ar an leathanach seo

1. An Leasmhac agus a Mháthair (ar lean)

   

   Roinn Roinn Postáil

   (ar lean ón leathanach roimhe)

   athair ’n-a dia'. Ach i gceánn dhá bhlian phós sé
   bean eile as Condae an Chláir, agus bhí an leas-
   mháthair go h-an-mhath dhon ghasúr an chéad bhliain.
   Ach a’ tarna bliain bhí sí ’cruinniú olc do agus a’
   casaoid air. Dúirt a’ t-athair leis go gcathfach sé
   dhul ag a’ sliabh leis na beithí agus fanacht amu’
   sa sliabh leotha go mbeach sé i n-ám iad a
   thóirt abhaile trathnóna. Thomáin a’ gasúr na
   beithí roimhe amach ar maidin agus gho sé ar a’
   sliabh (slíú), agus dhin sé é sin ar fhad trí nó
   ceathar go mhaidineachaí. Ach lá dhá ru sé amu’
   hainic (= chonnaic) sé seanfhear liath a’ teacht
   uige. Agus nuair a thainic a’ seanfheairín suas
   leis d’fhiara sé dho a’ mbeach rud a’ bith
   aige thabharfach sé le-n-ithe dho, mar nár ith
   sé aon cheó le trí lá roimhe sin. Dúirt a’
   gasúr go ru a dhinnéar aige agus go dtabharfach
   (pron. dtúrach, beagnach) sé a leath dho. Sgaoil
   sé amach a’ dinnéar agus thug sé a leath dhon sean-
   fheairín. Ach nuair a bhí sé ithte ghlac a’ seanfhear
   buíochas leis, agus dúirt sé leis: "trí nídh ’bith a
   iaró tú anois gheobha (gheou-a) tú iad."

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Dáta

   26 February 1937

   Cineál míre

   Seanchas

   Innéacs seanscéalta

   AT0592: The Dance Among Thorns

   Teanga

   Irish

   Modh scríbhneoireachta

   Lámhscríofa

   Script scríbhneoireachta

   Cló Gaelach

   Faisnéiseoir

   • Micheál Ó Cuinn