Scoil: Furglan, Inistíomáin (uimhir rolla 11813)
- Suíomh:
- Forghleann, Co. an Chláir
- Múinteoir: Seán Mac Daibhid
Tagairt chartlainne
Bailiúchán na Scol, Imleabhar 0620, Leathanach 493
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
- XML Scoil: Furglan, Inistíomáin
- XML Leathanach 493
- XML “Scéal - Bríghid Ní Mocoirghe agus an tUaireadóir”
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- (ar lean ón leathanach roimhe)le gach duine dul isteach ins an seómra agus do chuaidh agus do dhún sí an doras agus do chuir sí a drom leis. "Anois" ar sise "goideadh uaireadóir ó'n bhfear seo Diarmuid Ó Briain aréir agus geobhaidh mise le neart draoidheachta cé ghoid é. Cuirfead an coileach seo fé'n gcorcán agus nuair a dhéunfair corchú ar an bhfuinneóig, caithfidh gach aoinne a lámh dheis do leagaint ar thóin an chorcáin agus nuair a leagfeadh an t'é a ghoid an t-uaireadóir a lámh dheis ar an gcorcán glaoidhfeadh an coileach". Chuir sí an coileach fé'n gcorcán agus dubhadh an fhuinneóg. Annsoin rith gach aoinne go dtí an corcáin agus leag a lámh ar acht níor ghlaodh an coileach. "Bhí fhios agam go maith nár deineadh goid annso aréir" ars an óisteoir. "Bain an brat as an fhuinneóg" arsa Brighid "agus oscail na coinlaí" arsa Brighid agus deineadh amhlaidh agus leigeadh isteach an solus.
"Tá aithmheul orm nár eirigh led cleas" arsa Diarmuid. "Níor ghlaodh an coileach" arsa buachaill aimsire. "Leigh amach mé go raghaidh mé i bhfeighil mo gnótha" mar bhí a drom leis an doras ag Brighid fós. "Tóg go bog é arsa Brighid. Taisbeán gach aoinne agaibh bas a láimhe deise dom" ar sise. Cuireadar go léir suas na lámha agus do bhí sogha[?] as tóin an chorcáin ar gach láimh acht amháin ar láimh an buachalla aimsire.
