Scoil: Mín (uimhir rolla 13938)
- Suíomh:
- Tooreenmore, Co. Kerry
- Múinteoir: -
Tagairt chartlainne
Bailiúchán na Scol, Imleabhar 0450, Leathanach 050
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
Íoslódáil
Sonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
- XML Scoil: Mín
- XML Leathanach 050
- XML (gan teideal)
- XML (gan teideal)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
(gan teideal)
“Níl aon tobar beannaithe i bparóiste Cnoic na gCaiseal ach in aice an tsráidbhaile tá tobar fíor-uisce...”
(III) Níl aon tobar beannuighte i bparóiste Cnoic na gCaiseal ach i n-aice an tsráid-bhaile tá tobar fior-uisge - Tobar na Tuinne ( Well of the Marsh ) in a ndeineadh leigheas miorbhailteach tá timcheall ceud blian ó shoin.Bhí bean in a comhnuighe tamall siar ó Oileán Ciarraighe. Ní raibh ach an t-aon leanbh amháin aice - garsún beag leiceach a bhí ag dul as ó lá go lá. Biodh sí ag impidhe ar Dhia de ló is d'oidhche gan an leanbh do thógaint uaithe ach in ionad aon biseach teacht air is amhlaidh a bhí sé ag dul i laige is in-olcas in-aghaidh an lae.Oidhche nuair a bhí an garsún bocht i riocht an bháis geall leis taisbeánadh do'n mháthair i mbriongloíd an tobar so - Tobar na Tuinne i gCnoc na gCaiseal agus dubhradh léi (mar a cheap sí) an leanbh d'folcadh sa tobar sin agus go leigheasfaí é.Lár na bhárach tug sí aghaidh ar Cnoc na gCaiseal. Thum sí an leanbh sa tobar agus leigheasadh é.
- Faisnéiseoir
- Donnchadh Mac Curtáin
- Inscne
- Fireann
(gan teideal)
“Leath-slighe idir Cnoc na gCaiseal is Oileán Ciarraighe ar an dtaobh dheas don priomhbóthair tá portach mór - Portach a'tSioda, agus seo mar a fuair sé a ainm.”
Leath-slighe idir Cnoc na gCaiseal is Oileán Ciarraighe ar an dtaoibh dheas de'n priomh-bhóthar tá portach mór - Portach a' tSioda - agus seo mar a fuair sé a ainm:-Na ceudta blian ó shoin bhí tigin beag suarach sa phortach in aice an bóthair mhóir. Lá amháin idtosach Bealtaine bhuail mangaire isteach sa tigh seo agus mála mór lán de earraí sioda ann. Bhí bean an tighe istig in a h-aonar agus bhí an mangaire ag tatáint uirrí stocaí nó ciarsúir do cheannach uaidh. Bhí sé id' iarraidh í do pógadh annsan ach pé seans a fuair sí chuir sí smearóid dhearg sa mála igan fhios dó. Lá breágh gaothmhar a bhí ann agus nuair tháinig an mangaire amach bhí sé ag siubhal i gcoinnibh na gaoithe. Nior bhfada dó amuich go raibh an mála in a lasair agus is beag(leanann ar an chéad leathanach eile)