Scoil: Doireadh (uimhir rolla 12946)

Ar an leathanach seo

1. Diarmuid Súgach (ar lean)

   

   Roinn Roinn Postáil

   (ar lean ón leathanach roimhe)

   Ní raibh faithchíos ná eagla air gidh nár chualaidh sé ar feadh na h-oidhche gur cailleadh duine ar bith ins na bailtibh in aice leis. Acht seárd a bhí ann an sluagh sídhe agus leagadar uatha an corp ar an mbóthar agus d'imthigheadar leó as an mbealach. Dhruid sé in aice an chuirp go mear agus chonnaic sé cosamhlacht mná óige áluinn ins an gconra ós a chomhair. Leag sé a lámh ar a h-éadan agus d'airigh sé te í. "Muise" arsa Diarmuid "bhíodh orm gurbh iad seo na daoine maithe agus (b) gur bean áluinn í seo a thugadar leó ó árus a h-athar agus a máthar feín anocht agus go bhfuil siad dhá tabhairt abhaile leó acht bhéarfaidh mise abhaile liom í go dtí mo theach fhéin.
   D'iomchur sé abhaile an bhean go dtí a mháthair acht d'fhan sí faoi shuain ar feadh lá is bliadhain go dtáinig Oidhche Shamhna arís. "Bliadhain is an oidhche anocht Oidhche Shamhn[a"] arsa Diarmuid "agus bhain mé í ó na daoine maithe agus tá sí in a cnap shuain agus codhalta ó shoin". "Rachaidh mé siar go Cnoc an Dúin anocht agus b'fhéidir go bhfuighinn amach cén fáth atá leis an síor chodhladh seo atá uirthe".
   D'imthigh leis agus chuaidh sé go

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. gníomhairí (~1)
      1. neacha neamhshaolta agus osnádúrtha (~14,864)

   Teanga

   Gaeilge

   Faisnéiseoir

   Pádraig Mac Donnchadha

   Inscne

   Fireann

   Aois

   28

   Gairm bheatha

   Mac feirmeora (Léirítear teidil na ngairmeacha i mBailiúchán na Scol sa bhunteanga inar cláraíodh iad)

   Seoladh

   Ros an Mhíl, Co. na Gaillimhe