School: Dubhthuama (roll number 14193)

On this page

1. Na Fataí (continued)

   

   Share Share Post

   (continued from previous page)

   scoilteáin le cré ón sean-chlais. Ní dhéantar aon fheabhas ar an talamh ó bhliain go bliain mar ní shaoithruightear aon ithir úr. Nós amháin atá anso nach bhfuil in aon áit taobh taobh amuigh de Iorrus, basluigheann siad an connlach, an áithyridh, i.e Déanann siad iomairí de san nGeimhridh. Bíonn an talamh tirim ar theacht an Earraigh agus is féidir an síol a chur go luath. Ní dhéanann an fear a bhfuil céachta aige é seo ach beidh talamh tirim cré aige-san. Cuirtear an leas mála ar an aoileach nó ar an leas farraige súl a gcuirtear na scoilteáin. Má thagann earrach fliuch ní tairbhe ar bith do na gais é. In áiteacha eile i dtíramhlaidh ní scartar an leas mála go mbíodh na gais aníos agus iad dá lánú.
   An Lánú : Rómhartar an marbh-lán ins na seochanna le spáid agus cuirtear idir na gais é le sluasaid ar an talamh cré, cuirtear grafa idir na drilleanna agus cuirtear suasd an cré i ndiaidh an ngas le céachta.
   An Gort-ghlanadh: Tugtar aire maith do na gais an fhad is a bhíonn siad ag fás. Glantar go minic iad agus ní mór é a dhéanamh mar bíónn go leor salachar iontu i ngeall ar éadtromacht an talamh. Níl aon borradh sa talamh, ní fhásann an barra go haibéil,agus tugann sé seo faill don luibhearnach.

   (continues on next page)

   

   Transcribed by a member of our volunteer transcription project.

   History Edit

   Topics

   1. activities
      1. economic activities
         1. agriculture (~2,659)
            1. potatoes (~2,701)

   Language

   Irish

   Collector

   Micheál Mac Thámhais

   Gender

   Male

   Occupation

   Múinteoir