Scoil: Seanafarachán (uimhir rolla 12646)

Suíomh:
Seanadh Farracháin, Co. Galway
Múinteoir:
Seán Mac An Ríogh
Brabhsáil
Bailiúchán na Scol, Imleabhar 0074, Leathanach 131

Tagairt chartlainne

Bailiúchán na Scol, Imleabhar 0074, Leathanach 131

Íomhá agus sonraí © Cnuasach Bhéaloideas Éireann, UCD.

Féach sonraí cóipchirt.

Íoslódáil

Sonraí oscailte

Ar fáil faoin gceadúnas Creative Commons Attribution 4.0 International (CC BY 4.0)

  1. XML Scoil: Seanafarachán
  2. XML Leathanach 131
  3. XML “Pislín agus Straoillín”

Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.

Ar an leathanach seo

  1. Bhí lánamhan ann uair amháin agus 'Pislín' a tugtaoi ar an bhfear agus 'Stroíllin' ar a bhean agus níor bréag sin a thabhairt uirthí mar gur óinseach mhór a bhí innte. Bhí gáirdín breagh cabáiste aca agus ní raibh aca de beithidhigh acht aon bhó amháin. Chuimhnigh sé lá amháin go mbfearr dó an bhó a mharbhú chun bruth leis an gcabáiste agus é do leasadh. Bhí go maith. Mharbhuigh sé an bhó agus chuir sé salann uirthí.
    Lá a bhí sé ag imtheacht ó bhaile dubhairt sé len a bhean béile maith fatai a bheith roimhe mar go mbeadh ocras air agus an cabáiste a bheith leasuighthe go maith aici leis an mairtfheóil. Níor thuig Stroíllín aon sgéal i gceart riamh agus níor thuig sí an ceann seo i gceart acht an oiread.
    Nuair a bhí a fear imthighthe tamall fuair sí a sgian agus ghearr sí an feól in a phíosai beaga go dtí nach raibh fágtha sa soitheach acht cúpla píosaí feóla. Thug sí léithe na píosaí beaga annsin agus chuir píosa amháin le gach crann cabáiste a bhí sa gháirdín.
    Nuair a d'fill a fear tráthnóna connaic sé madrai an bhaile ag dul isteach agus amach sa ngáirdín agus chuaidh sé féin isteach sa ngáirdín go bhfeiceadh sé céard a bhí bun ós cionn ann. Nuair a chuaidh sé isteach an geata “In ainm De” ar seisean agus coisrigh sé é féin.” Tar éis tamaill thuig sé an sgéal agus níor fhéad sé aon phíosa de a fhaghail mar go raibh sé gar do bheith imthighthe ag na madraibh agus an méid nach raibh bhí sé salach le creafóig. Nuair a chuaidh sé isteach chuig a bhean chuaidh sé san áit a raibh an fheóil agus nuair chonnaic sé nac raibh fágtha ar thóin an tsoithigh acht cúpla píosa d'iarr sé dí
    (leanann ar an chéad leathanach eile)
    Tras-scríofa ag duine dár meitheal tras-scríbhneoirí deonacha.
    Innéacs seanscéalta
    AT1386: Meat as Food for Cabbage
    AT1653: The Robbers under the Tree
    Teanga
    Gaeilge
    Bailitheoir
    Cáit Seóighe
    Inscne
    Baineann
    Seoladh
    Tamhnaigh an Lín, Co. Galway
    Faisnéiseoir
    Pádraig Seóige
    Gaol
    Tuismitheoir
    Inscne
    Fireann
    Aois
    c. 50
    Seoladh
    Tamhnaigh an Lín, Co. Galway