Scoil: An Mhálainn Bheag (uimhir rolla 14119)

Ar an leathanach seo

1. Máire Ní Bheirn agus An Fear Rua (ar lean)

   

   Roinn Roinn Postáil

   (ar lean ón leathanach roimhe)

   ‘sa teach agus amach leithi go toigh na comhursan fuair sí cupla giota aráin ar iasacht, agus thug dó é. D’ith sé a bhfuair sé, agus rith an ama bhí Máire ag iarraidh bleasg a fhághail ar a éadan acht bhí seisean, mar bheadh sé ag iarraidh é a fhálach oirthí.
   D’iarr sé braon uisce le ‘na chosa a nighe annsin. Fhuair sí tuban beag agus chuir sí braon uisce ann dó. Nigh sé a chosa agus nuair a bhí siad nighte thug sí “éadach láimh” dó le iad a thiormughadh. Dubhairt sé, nuair a shín sí an t-éadac chuige, go rabh an t-éadach ró ghlan ag a chosa. Dubhairt sise nach rabh, agus thiormuig sé iad.
   Thug Máire fá deara go rabh droch phéire stocaí air. Ní rabh cinn ar bith ionnta. Bhí siad caithte, pollta, strachthá.
   D’fiafruigh sí dó an ghlacfad sé péire stocaí uaithí agus dubhairt sé go nglacfadh. Thug sí péire maith dó agus chuir sé air iad, agus nuair a bhí sé ag imtheacht thug sé buidheachas dí agus d’fág an sean phéire stocaí ar chlaidhe os coinne an dorais agus chuir cloch ortha.
   D’imthig sé thart beinn an toighe, agus amach agus amach le Máire ina dhiaidh go bhfeiceadh sí caide’n bealach a rachadh sé acht ní rabh amharc le feiceal aicí ar an fhear ruadh, nó ní fhaca duine ar an bhaile é, acht an bheirt a bhí ‘sa teach.

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Faisnéiseoir

   Máire Ní Bheirn

   Inscne

   Baineann

   Aois

   73

   Seoladh

   Málainn Bhig, Co. Dhún na nGall