Scoil: Ceathramhadh Garbh (uimhir rolla ?)

Ar an leathanach seo

1. Seancheirdeanna

   

   Roinn Roinn Postáil

   Bhí go leor ceardanna ann fado acht tá go leor acu imthighthe ó chuimhne anois.

   Fadó dheinidís coinnle as píosa éadaigh. Chuiridís gréis ar an éadach agus annsin lasadh sé go maith dóibh. Níl an nós sin ag na daoine anois. Dheinidís coinnle as luachair chun a bheith lasta Oidhche Nodlag. Trillseáin a tugtaoi ar na coinnle sin. Tá an nós sin beó in áiteacha fós. Siad na sean-daoine a dheineas na coinnle. Bhíodh an cat an trillseán d'fhághail le n-ithe mar gheall ar an ngréis. Bhí sé ráidhte sa tairngaireacht nach n-íosfadh an cat an coinneal tar éis tamaill eile. Ní itheann an cat anois í mar níl sé aige le n-ithe. Tá coinle eile ag na daoine thartí. Bhíodh siad ag déanamh coinnle freisin le píosaí fada éadaigh a chasadh ar a chéile agus béala a chur ortha.

   Bhíodh na daoine ag déanamh cléibh, ciseán agus ciseóga as slataí go maith. Tá an nós sin ag na daoine fós ach ní dhéanann siad ciseáin.

   Ceird eile a bhí acu fado a b'eadh dathughadh, agus tá sé ag cuid de na daoine san áit seo fós, ach mar sin feín tá go leor de na rudaí deinti úsáíd asta díobh imthighthe ó chuimhne. Bíodh siad ag dathughadh le scraith chloch. Sin rud atá le fághail go fairsing ar na clocaibh i ngach áit. Cuireann siad an scraith cloch síos ag bruith i bpota agus tar eis tamaill cuireann siad an t-éadach síos.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. gníomhaíochtaí
      1. gníomhaíochtaí eacnamaíocha
         1. gnó agus ceird (~4,680)

   Teanga

   Gaeilge

   Faisnéiseoir

   Tomás Ó Liodáin

   Inscne

   Fireann

   Aois

   60

   Seoladh

   Gleann Loiscthe, Co. na Gaillimhe