Scoil: Cluain Chumhra (uimhir rolla 15660)
- Suíomh:
- Cluain Chortha, Co. Chiarraí
- Múinteoir: Seán Ó Súilleabháin
![Bailiúchán na Scol, Imleabhar 0426, Leathanach 134](https://doras.gaois.ie/cbes/CBES_0426%2FCBES_0426_134.jpg?width=1600&quality=85)
Tagairt chartlainne
Bailiúchán na Scol, Imleabhar 0426, Leathanach 134
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
- XML Scoil: Cluain Chumhra
- XML Leathanach 134
- XML “Na Potaí Gliomach”
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Go dtí le deanaighe anuas, le fiche bliain nó mar sin, bhíodh a ceathair nó a cúig de naomhóga i gCeann Áird agus oiread ceadna ach go h-áirighthe ar an Min Áird thíos agus mar sin de sa tímcheall ins gach aon bhaile beag ar bhruach na fairrge faid is chuaidh m'eólus. Bhíodh fearaibh na mbailte sin gnóthach go leór i ruith bhiadhaiste na ngliomach agus is minic a deineadh airgead mór ar na gliomaig. An dtaca so bhliain- sa gheimhre bhíodh griothal agus geóch ar gach aon chriú naomhóige ag bailiú sliotarnaighe chun potaí na ngliomach do dhéanamh. Gaibhidís thíos ar Currach na Min Áirde é nó ar Churrach na Gairbhtheanaighe - seadh mhuise agus is minic a theighidís comh fada leis an gCam thoir agus nuair théigheadh diobh an saileach d'fhághail na comhangar teighidís go taobh na leitriúig. Bhídís ag ruith le chéile mar bhíodh cuid maith ag teastáil d'fhonn 40 nó as san go 60 pota a dhéanamh. Bhíodh suas le 40 pota ag gach naomhóg. Ní cuiridís amach (ar an bhfarraige) ach cuid acu-san, d'fhágaidís cuid acu istig spartha mar bheadh ceann ag imtheacht gach stoirm a tagadh sguabadh sé cuid acu chur siubhail leis. Bhíodh céard ar na potaí dhéanamh agus caithidís tosach an Earraig ar dú'dalla leó a ndéanamh. Ní mór an maith a bhíodh ins na seana-photaí. Bhídís dreóidhte briosg taréis an bhiadhaiste a bheith caidhte ar an bhfarraige acu agus an cuid eile de'n mbliain ar lochta ag dreó. Bhíodh fear ag glanadh na slapar le sgiain, fear eile agus na slata tiagartha láidre aige á sgoltadh i slighe is gur(leanann ar an chéad leathanach eile)
- Faisnéiseoir
- Pádruig Ó Súilleabháin
- Gaol
- Tuismitheoir
- Inscne
- Fireann
- Seoladh
- Cinn Aird, Co. Chiarraí