Scoil: Inis Cléire, Dún na Séad
- Suíomh:
- Cléire, Co. Chorcaí
- Múinteoir: Donncha de Búrca
![Bailiúchán na Scol, Imleabhar 0295, Leathanach 122](https://doras.gaois.ie/cbes/CBES_0295%2FCBES_0295_122.jpg?width=1600&quality=85)
Tagairt chartlainne
Bailiúchán na Scol, Imleabhar 0295, Leathanach 122
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Do bhí iasgairí i dTrá Chiaráin i mí na Samhna, 1920 agus do chonaiceadar bairle, dar leó ag snámh thuas sa bhádh thuaid. Do chuaidh beirt aca isteach i mbád beag agus do chuadar suas chun é do thógaint. Ní rabhadar abhfad imthighthe nuair d'imthig bád mátair suas ina ndiaidh agus cúighear fear innti. Do bhíodar féin agus na daoine a bhí sa bhád beag ag rás lé na chéile feuchaint ciaca aca is túisce a a bheadh thuas chun é do thógaint. Sa deire do rás an bád mór agus do mhaobuigeadar an cuiríocht nuair a thánadar in aice an bhairle. Do thrialadar ag dul tímceall air ach ní fheadaidís é agus(?) do bhuailedar ina choinnibh. Ach faríor ní bairile do bhí ann ach mianac agus an túisce a bhuaileadar é ná gur shéid sé suas san aer iad, idir, bád daoine agus uile. Do bhí sganrrad a gcroidhe ar an mbeirt a bhí sa bhád beag ar eagla go dtuitfheadh an blas agus an tadhmadh a bhí sa bhád eile isteach sa bhád agus go marbheóchfaí iad féin leis ach buidhcheas le Dia níor marbhuigheadh.Siad na daoine a bhí sa bhád mór ná Micheál Ó Ceadagáin, Eógain Ó Dálaigh, Seán Ó Lionáin, Miceál Ó Ceadagáin agus Pádraig Ó Maolmhuoidh. Do caitheadh iad go léir suas san aér agus ní fheachathas ó shoin iad ach amháin Micheál Ó Ceadagáin agus Seán Ó Lionáin. Do tógadh iad san bhádh beag. Do bhí Micheál Ó Ceadagáin slán agus tá sé ag maireachtain igcomnuidhe ach do bhí agaidh(?) Shéan Uí Lionáin imtighthe agus a innithinn briste, slán mar a ninnstear é.
Bhailig: Cáit Ní Drisceóil, Cumolán, Inis CléireFuaireas ó: Chiarán Ó Drisceóil (56 bl.)- Bailitheoir
- Cáit Ni Drisceóil
- Inscne
- Baineann
- Seoladh
- Comalán, Co. Chorcaí
- Faisnéiseoir
- Ciarán Ó Drisceóil
- Inscne
- Fireann
- Aois
- 56
- Seoladh
- Comalán, Co. Chorcaí