Scoil: Corrabha (Curravagh)

Ar an leathanach seo

1. An Bia Fadó

   

   Roinn Roinn Postáil

   Fadó bhí na daoine ana láidir ar fad - i bhfad níos láidre ná muinntir a' lae indiu cé go bhfuil biadh níos fearr ag na daoine atá fásta suas ná mar bhí ag na daoine fadó.

   Blianta ó shoin ní bhíodh ach dhá bhéile ag na daoine - an bricfeast ar maidin timcheall a hocht a chlog agus an suipéar timcheall a seacht a chlog um tráthnóna. Bhídís ag obair ar maidin sul a mbíodh an béile sin aca agus bé rud é an bricfeast ná pláta leitean agus bainne milis. Annsin théighidís amach agus bhídís ag obair go cruaidh go mbíodh sé dubh dorca. Annsin taréis teacht isteach dóibh san oidhche bhíodh arán déanta as min coirce aca agus nogíní de bhaine - ní raibh cupáin ná muganna aca an tráth sin cor ar bith. Annsin tosuigheadh ar an tae. Cuireadh ionghnadh ar na daoine nuair a chonnaiceadar cad é an saghas ruda é. Ar dtúis chuiridís tae i mias cluaisín (porringer) agus chuiridís uisge air. Annsin d'fhagadh siad le hais na teine é go dtí go mbíodh ar dhearg fhiuchadh. Annsin séard a dhéanfadh siad ná - Chaitheadh siad amach an tuisge agus d'iosadh siad na duilleoga. Bhíodar ag éirghe tuirseach den sórt tae sin agus cheapadar slighe eile. Cuireadh siad na duilleoga ins an oigheann agus dheinidís iad a fhrioctáil agus d'iosadh siad iad.

   Um Nodlaig gheibheadh gach duine únsa tae agus théighidí go léir go teach amháin agus cuireadh muinntir a' tighe sin pota mór doimhin ar an tine is é lán d'uisge

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Brighid Ní Shiordan

   Inscne

   Baineann

   Seoladh

   Carrick West, Co. an Chabháin

   Faisnéiseoir

   Tomás Mac Siordan

   Inscne

   Fireann

   Aois

   5491