School: Leac Chonaill (roll number 14890)

On this page

1. Seanscéal

   

   Share Share Post

   Sean Sgéal.
   Am amháin bhí muinntear Arain Mhóir ag cailleadh iomlan a gcuid éanlaith. Ní rabh fhios acu caidé bhí ag teacht arthu.
   Oidhche amháin shuidh muinntear an oilein, agus i lár na h-oidhche thainic an madadh ruadh. Fuair sé imtheacht orthu an oidhche seo agus cuid den éanlaith leis.
   An oidhche na mhárach fuair siad na madaidh a b’fheárr da rabh ar an oilean, agus shuidh siad an oidhche seo le coimhead arais. Thainic an madadh ruadh ag ruacach ar an éanlaith, agus sgaoileadh tóir na madadh na dhiaidh. Chuaidh an madadh ruadh amach le ált os cionn na fairrge, agus shíl siad go rabh siad reidh le na bhuaidhreadh, no go rabh sé báidhte.
   Ach an oidhche na dhiaidh sin arais thainic an madadh ruadh agus rinn creach eile ar an éanlaith. Bhí seanduine amháin ar an oilean, agus dubhairt sé cé gur chríonna glic an madadh ruadh- “béidh mise ion churtha leis”.
   Thug an seanduine leis bád agus chuaidh sé amach ar an fhairrge agus d’fhan sé faoi’n ailt. An oidhche chéadna seo thainic an madadh ruadh arais. Bhí na daoine da choimhead agus d’imthigh an tóir na dhiaidh ag na madaidh. Chuaidh an madadh ruadh amach leis an ált, ach nuair a bhí sé ag tuitim fuair sé greim ar chrann beagn coilein a bhí ag fás amach as taobh an ailt, le na bhéal, agus chrom isteach sa bhrocaigh a bhí go díreach ag taobh an tom coilein.
   Dimthigh an seanduine agus fuair sé seath agus gheárr sé an tom coilein ach rud beag, agus dfhág an tom na shuidhe ag béal na brocadh mar bhí sé.

   (continues on next page)

   

   Transcribed by a member of our volunteer transcription project.

   History Edit

   Language

   Irish

   Collector

   Micheal Ó Baoighill

   Gender

   Male

   Address

   An Machaire, Co. Donegal

   Informant

   Máire Bean Uí Bhaoighill

   Relation

   Parent

   Gender

   Female

   Address

   An Machaire, Co. Donegal