Scoil: Baile Nua (B) (uimhir rolla 9607)

Ar an leathanach seo

1. Scéal

   

   Roinn Roinn Postáil

   Bhí fear as sean bhóthar ag teacht abhaile ó Baile Mainistreach go mall san oidhche. Líam mac Flannacha a bhí mar ainm air. Ar a bhealach abhaile do sheas sé ar an bfóidín mearbhaill. Chonnaic sé teach beag ar thaobh an bhóthair agus é lán le solus.
   Isteach leis agus bhúail sé ar an doras. Táin[ig] bailín aluinn suas agus dfoscail sí é. "Tar isteach a fhir bhoicht agus suidhe síos" adeir sí leis. Do suidhe sé síos cois na teine. Bhí slúagh mór daoine san dteach agus ag damhsadh agus ag amhránuigheacht. Bhí sean fhear i gcoirnéal in aice na teine ag caitheadh tobac. "An tusa Líam mac Flannacha adeir sé leis an bhfear". "Cé'n caoí a bhfuil d'athair agus do mháthair". "Go maith" arsa Líam, "an bhfuil aithne agat orm". Níl ars Líam. Is mise sean Pait o Concubhair. Cailleadh mé fiche blíadhain o shoin, núair a ghoid na sídheoga mise leó agus táim i ngreim acu o shoin.
   Thug an cailín ar osgail an doras deoch dó ag[us] núair a bhí sé ólta aige thug sean Phait o Concubhair deoch eile dó. Seo dhuit agus ól súas é arsa sé. Sláinte agus saoghal agat bean i do toil agat airgead síos agat agus talamh gan cíos agat. Taréis tamaill thuit a chodhladh ar Líam. Núair a dhúisigh sé ní san teacín beag a raibh sé act sínte ar cnoicí[n] ghlas féarach lámh leis an roilig atá in aice fothrach an Sean Mainistreach.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Faisnéiseoir

   Padraic Ó Freidhile

   Inscne

   Fireann

   Aois

   60

   Seoladh

   Abbey, Co. Galway