School: Sraith na mBannrach (roll number 3300)

On this page

1. Cearbhall Ó Dálaigh (continued)

   

   Share Share Post

   (continued from previous page)

   chonaiceadar an obair, chuaidh duine isteach fá choinne an tighearna go bhfeicfead sé í. Tháinig an tighearna chucu agus nuair a chonaic sé an obair chuir sí iongnadh air: “Deirim-se,” ar seisean, “cíbe rinne seo sé an máighistir é agus ní fear ar bith eile.”
   Chuaidh an sgéal isteach gur chuala an bhean óg é.Tháinig sí amach agus chomh luath agus chonaic sí Cearbhall thug sí grádh dó; agus mar an gcéadna thug seisean grádh dhi-se agus dubhairt: “Do shiúbhalfainn i gcomhnuidhe leat, a Eibhlín a rúain!” (nó “sheólfainn féin na gamhna leat, a Eibhlín, a rúain.”)
   Sgathamh ’na dhiaidh sin bhíodar ag triall le n’imtheacht. D’éirigh leobhtha ar deireadh thiar agus d’imthigheadar annsin oidhche shneachta ar phéire capall. Chuaidh an t-arm ’na ndiaidh agus ceapadh iad. Cuireadh Cearbhall i bpríosún agus tugadh ise abhaile. Ní raibh sé i bhfad sa bpríosún nuair a d’imthigh sé as agus cheannuigh culaith dialladóra agus níor stad go ndeacha sé chomh fada leis an mbaile céadna a raibh an tighearna ann. Tháinig sé chomh fada le duine uasal agus d’iarr obair air. D’fhiafruigh an fear uasal de céard a bhí sé abálta a dhéanamh. D’fhreagair nach raibh sé ábálta tada a dhéanamh acht diallaideacha le haghaidh capall.
   San am sin ní raibh a fhios acu céard diallaid, acht nuair a chonaic an duine úasal cé’n usáid a bhí sa diallaid bhí meas mór aige ar Chearbhall.
   Chuala an tighearna go raibh a leithéid d’fhear ceirde

   (continues on next page)

   

   Transcribed by a member of our volunteer transcription project.

   History Edit

   Language

   Irish

   Informant

   Séamus Mac An t Saoi

   Gender

   Male

   Age

   80

   Occupation

   Feirmeoir

   Address

   Ballycroy, Co. Mayo