School: Garrdha (roll number 12721)

On this page

1. Scéal (continued)

   

   Share Share Post

   (continued from previous page)

   D'imthigh leis an darna lá agus bhí an sean-fhear annsin roimhe agus d'imir siad cluithche eile, agus ghnothuigh an fear óg. "Cuir suas do gheasa, " adeir an sean-dumín. "Boil, an demesne. " a deir sé , " a bheith lán caoirigh agus caiplí agus beithidhigh ar maidin. " "Tá leat", adeir an sean-fhear. Tháinic sé abhaile annsin agus d'innis don athair . "A" adeir an t-athair, " gnóthochaidh sé ort an tríomhadh lá. " Dhúisigh na beithidhigh lucht a' tighe i lár na
   h-oidh' le n-a raibh acu ann - ní raibh áit seasta acu.
   D'imthigh sé arais an tríomhadh lá agus casadh air an sean-dhuinín aríst agus d'imir siad cluithche eile agus ghnothuigh an sean-dhuine. Is olc a bhí sé i n-ann siubhal abhaile , an fear óg. "Cuir suas do gheasa, " adeir sé leis an sean -dhuine. " Cuirfidh mise geasaí ort gan an darna béile 'ithe ag aon bhord ná an darna oidhche a chodladh ar aon leabaidh nó go bhfagh ' tú mise amach. " " Cér bas thú nó cé h-ainm thú" adeir an fear óg. " Mise sean-dhuine na féasóige fuinneadh as an domhain thoir.". Tháinic sé abhaile agus bhí an t-athair roimhe. "Tá tú caillte, a mhic", adeir sé . "Bhí fhios agam go n-éireochadh sin duit. " Ní raibh goir aige fanacht thar an oidh' amháin sa teach.
   Adeir an mháthair :" Sin é an rifíneach a chuir an mí-adh ar mo thriúr dhearbhráthair. " Rinne an mháthair annsin trí cáca beag agus bhí sí a' tarraingt an chíoch nó go bhfuair sí beagán bainne cíoch le cur in gach aon cháca. "Anois", adeir sí, " Má casfidhear

   (continues on next page)

   

   Transcribed by a member of our volunteer transcription project.

   History Edit

   Folktales index

   AT0313: The Girl as Helper

   Language

   Irish

   Collector

   Liam Ó hAnnracháin

   Gender

   Male

   Occupation

   Múinteoir

   Informant

   Micheál Mc Aodha

   Gender

   Male

   Age

   61

   Address

   Garra, Co. Galway