School: An Tulach (roll number 13148)
- Location:
- An Tulaigh, Co. Galway
- Teachers: Tadhg Ó Séaghdha Máire, Bean Uí Dhuigneáin
![The Schools’ Collection, Volume 0062, Page 0191](https://doras.gaois.ie/cbes/CBES_0062%2FCBES_0062_0191.jpg?width=1600&quality=85)
Archival Reference
The Schools’ Collection, Volume 0062, Page 0191
Image and data © National Folklore Collection, UCD.
See copyright details.
DownloadOpen data
Available under Creative Commons Attribution 4.0 International (CC BY 4.0)
Note: We will soon deprecate our XML Application Programming Interface and a new, comprehensive JSON API will be made available. Keep an eye on our website for further details.
On this page
- (continued from previous page)teach an ríogh agus bhí athás mór ar an rí iad fheicéal aríst slán sábháilte. Thug bean an rí slaitín draoidheachta do na páistí lá agus ba í sin an tslat a rinne mada dhíomsa. Lá amháin bhain mé plaic as láimh duine do na páistí ag ceapadh go mbualfeadh sé laisg orm agus go mbeinn in mo chrot féin aríst agus bhuail an páiste laisg orm agus bhí mé mo chrut féin aríst mar atáim indiú.
Shuidh mé síos agus thosuigh mé ag innseacht do'n ríogh mar rinneadh mada allta dhíom agus na gábhaidheanna a ndeachaidh mé thríd. "Is tú an fear fírinneach," adeir an ríogh, 'agus chuile lá ó chuaidh tú ar mo chapall, bhí mo bhean ag iarraidh thú a mharbhú.
"Annsin rinne an rí teine mhór agus chuir sé pota teara isteach innte agus nuair a bhí an teara ag fiuchadh rugadh ar bhean an rí le hí a chaith isteach sa teara acht dubhairt mé fhéin gan í a chaith' isteach ann mar go ndeanfadh sí obair an tighe agus nach gcasfainn leí an rud a rinne sí orm. Sin é anois agat fios Bháis an An-Sgéalaidhe agus an claideamh solais."
D'imthig Alastrainn leis abhaile. Chuaidh sé amach ar an sliabh. Lá ar na bháireach casadh an Cleasaidhe Ruadh air. Shuidh Alastrainn síos agus thosuigh ag innseacht Fios Bháis an Ain-Sgealaidhe do'n Cleasaidhe Ruadh agus nuair a bhí sé críochuihthe ag Alastrainn dubhairt an Cleasaidhe Ruadh "Sin trí bhraon go fhuil m'athara atá ar an gclaideamh," adeir an Cleasaidhe Ruadh.
"Ní headh" adeir Alastrainn "acht éan a mharbhuigh mise ar an mbealach agus tabhair dom í go nglanfaidh mé í." Thug an Cleasaidhe Ruadh an claidheamh do Alastrainn acht nuair a fuair Alastrainn greim uirthi bhain sé an ceann do'n Cleasaidhe Ruadh. D'imthig Alastrainn abhaile agus ní dheacha sé amach ar an sliabh uaidh an lá sin amach.- Collector
- Séamus Bolustrom
- Age
- 13
- Address
- Baile na hAbhann, Co. Galway
- Informant
- Séamus Bolustrom
- Gender
- Male
- Age
- 60