Scoil: Scoil N. Gobnait (uimhir rolla 16281)

Ar an leathanach seo

1. Fear Maraithe Céad d'Aon Bhuille (ar lean)

   

   Roinn Roinn Postáil

   (ar lean ón leathanach roimhe)

   agus bhí an duine bocht sceimhlighthe rómpa an uair sin agus sé bhí go sásta nuair a fuair sé 'mighthe iad. D'eirig sé 'na sheasamh agus cuir do aríst agus bhí ana mhuinghin aige as féin i dtaobh gur dhein an cheud phlan an bheart so.
   Bhí sé ag imtheacht gur bhuail tig mór leis. Tig duine uasail do b'ead é. Chuaidh sé fé dhéin an tighe agus d'iarr sé obair ar fear an tighe. Dúbhairt sé sin leis ná raibh aon obair aige do ba riachtanaí [?] ná an tigh nuadh a bhí sé a tógaint a fhaireadh dho ist-oidhche mar an méid a tógtaí is ló de go mbíodh se leagtha ist-oidhche agus an t-é théigheadh ag faireadh ist-oidhche go mbíodh sé marbh rómpa ar maidin.
   "Dar fiadh!" arsan figheadóir go bhfairfead-sa anocht é."
   "Má fhaireann tú," arsa fear, "geóbhair £5 ar maidin uam."
   Leis sin do dhein an figheadóir suas é féin. Sé an cheud rud a dhein sé ná mealbhóg a dhéanamh de chroiceann caorach agus cuir sé las'-tig dá chuid éadaig í agus í líonadh de ghruth bainne.
   D'imthig air fé dhéin na cúirte nuadha agus chuaidh i bhfollach isteach le h-ais bonn fuinneóige a bhí ann. Níor bhfada do gur chualaidh sé an fothram chuige agus is amhlaidh a bhí an fathach mór agus do thosnuig ar an gcúirt do leagadh.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Innéacs seanscéalta

   AT0326: The Youth Who Wanted to Learn What Fear Is

   AT1045: Pulling the Lake Together

   AT1062: Throwing the Stone

   AT1088: Eating Contest

   AT1640: The Brave Tailor

   Teanga

   Gaeilge

   Faisnéiseoir

   Seán Ó Muircheartaigh

   Inscne

   Fireann

   Aois

   52

   Gairm bheatha

   Iascaire (Léirítear teidil na ngairmeacha i mBailiúchán na Scol sa bhunteanga inar cláraíodh iad)

   Seoladh

   Gleann Loic, Co. Chiarraí