Scoil: Clochar na Toirbhirte, An Daingean
- Suíomh:
- Daingean Uí Chúis, Co. Chiarraí
- Múinteoir: An tSr. Cormac
![Bailiúchán na Scol, Imleabhar 0425, Leathanach 074](https://doras.gaois.ie/cbes/CBES_0425%2FCBES_0425_074.jpg?width=1600&quality=85)
Tagairt chartlainne
Bailiúchán na Scol, Imleabhar 0425, Leathanach 074
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- (ar lean ón leathanach roimhe)Rí Shasana ana bhreoidhte agus na raibh aon nidh beo ar Thalamh an Domhain chun é leigheas acht trí buidéil de'n uisge a bhí ó'n dtaobh thuas de'n tigh seo.
Nuair do bhreac an lá do ghlaoidh sé seo ar an mbeirt eile agus d'innis sé dhóibh mar gheall ar dá chat acht is amhlaidh a bhíodar ag magadh fé. Chuaidh sé ar an dtaobh thuas do'n tigh agus líon sé trí buidéil de'n uisge. Do bhuail fear uasal leo ar an mbóthar an lá i n-a dhiaidh san agus d'fhiafruig sé dhó an raibh Rí Sasana breoidhte. Dubhairt seisean go raibh agus ná raghadh feabhas go deo air. An lá dár gcionn d'imthigh sé ar an árthach sall go Sasana. D'fhiafruig sé de gach duine a bhuail leis cá raibh Palás an Ríogh agus ar deire thiar thall fuair sé amach é.
Nuair a chuaidh sé fé dhéin an tighe bhí an tigh lán de dhochtúirí agus bhí an Rí tugtha suas ag gach duine dhíobh. Bhuail duine de's na dochtúirí ag an ngeata leis an bhfear so agus agus d'iarr an fear cead air dul isteach. "Mhuise ní h-aon chabhair duit é " ars' an dochtúir "mar ní h-aon leigheas a raghaidh air acht téanam isteach mar sin féin." Nuair a chuaidh an fear isteach thóg sé amach na buidéil uisge agus ní raibh cnead as an Righ bocht acht é i ndeire na feide. Thug an fear deoch as an mbuidéal do acht má dhein tháing breis anam sa Righ. D'iarr sé an dara deoch agus fuair acht má fuair d'éirigh sé aniar sa leabaidh agus nuair d'ól sé an tríomhadh deoch phreab sé amach as an leabaidh agus bhí sé chomh maith is bhí sé aon lá riamh i n-a shaoghal.(leanann ar an chéad leathanach eile)- Bailitheoir
- Caitlín Nic Gearailt
- Inscne
- Baineann
- Seoladh
- Baile na hAbha, Co. Chiarraí
- Faisnéiseoir
- Pádraig Mac Gearailt
- Inscne
- Fireann
- Seoladh
- Baile na hAbha, Co. Chiarraí