Scoil: Caisleach (uimhir rolla 16018)

Ar an leathanach seo

1. Scéal (ar lean)

   

   Roinn Roinn Postáil

   (ar lean ón leathanach roimhe)

   is coidhche go dtángadar go cúirt an duine úasail seo. Bhí glas ar an ngeata seo agus niorbh aon mhuill ortha an geata seo d’oscailt. Chúadar isteach agus thóg duine aca in áirde stadhaire é agus is amhlaid a bhí sí 'na codhladh istig i seómra agus a beirt deirfiúr agus duine aca ar gach taobh di. Bhúail sé a lámh uirthi agus búail sé anúas an stadhaire is tóg sé in-áirde í san capall bhán. Thománadar leó is bhíodar ag an lios roimh ghlaoid an choilig. Do thángadar go léir anuas dá gcapallaibh is chúadar isteach sa lios. Bé féin an fear deireannach a tháiinig anúas dá chapall is cur sé a lámh mór timcheall uirthi. Is dúbhairt sé, “Tógaim fúm féin í in ainim Dé is Muire." Druid duine aca léi is búail sé clabta uirthe is caill sí adhbhar labhartha. Thóg sé leis í go tig a athar agus thug sí cúpla lá annsan agus i gan aon adhbhar labhartha aici. Dúbhairt sé leis fhéin go raghadh sé go dtí an lios arís feuchaint a gcloiseadh sé aon cainnt mar gheall uirthi. Seadh chúalaidh sé íad ag cainnt. Is bhíodar ag cainnt mar gheall air féin gur díabhail an misneach do bhí aige. Seadh dúbhairt duine gur gheárr ó súd a leigheas mar go raibh luibh ag fás in aice tíghe a athair is dá bhfaghadh sí le n-ithe é go mbeadh a cainnt aici chómh maith is bhí ríamh. D’imdhig sé abhaile chun tíghe a athar agus athas a croidhe air. Ar maidin lár na márach núair d’eirig sé ina suídhe chúarduig sé an luibh agus fúair sé é agus thug sé di le n-ithe é is bhí sí chómh maith is bhí sí ríamh.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Síle Ní Shúilliobháin

   Inscne

   Fireann

   Seoladh

   Drom na Coille, Co. Chiarraí

   Faisnéiseoir

   Seán Ó Concúbhair

   Inscne

   Fireann