Scoil: An Áird (Ardfield), Clanna Caoilte (uimhir rolla 12147)
- Suíomh:
- Ard Ó bhFicheallaigh, Co. Chorcaí
- Múinteoir: Pádraig Ó Donnabháin
![Bailiúchán na Scol, Imleabhar 0316, Leathanach 221](https://doras.gaois.ie/cbes/CBES_0316%2FCBES_0316_221.jpg?width=1600&quality=85)
Tagairt chartlainne
Bailiúchán na Scol, Imleabhar 0316, Leathanach 221
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Do mhair lánamham bocht i ngar d'on bhaile seo tímcheall céad bliain ó shoin.
Bhíodar gátarach go leór agus ní raibh fhios acha cad a dheanafaidís chun biadh d'fhagháil.
Maidin Domhnach dubhairt a'fear le n'a mhnaoi go raibh sé ar aigne luighe isteach le creideamh a' t'Sasanaigh nó go bhfuigheadh sé cabhair éigin uatha. Ní raibh a bhean ar a thaobh annsan. Dubhairt sí leis gurb fhearr léi féinig bás d'fhagháil ná a leithéid sin a dhéanamh agus go raibh súil aice i gchómhnuidhe go dtabharfadh Dia na Glóire cabhair éigin dóibh i ndeire.
Tháinig a'Domhnach agus b'eo a'fear bocht fé dhéin a'teampaill. 'Nuair a shroich sé a'doras bhí sollamhain éigin ar siúbhal agus tháinig lachráiste (leath-charaiste) air.
Bhí cos leis ar gach taobh de'n d-táirsigh agus ní fheadar sé a dtarraigfeadh sé that n-ais an chéad cos airis nó a shádhfadh sé isteach an cos eile. Sa deire dubhairt sé leis féin pé chuma go n-éireóchadh leis ná bheadh ao' bhainnt aige leó. D'fhill sé abhaile go lag-ocrach agus é a' machtnamh go trian. "Tá cos liom i n-Ifreann pé scéal é" ar seisean leis féin "pé ball go bhfuil a'ceann eile."(leanann ar an chéad leathanach eile)- Faisnéiseoir
- Donnchadh Ó Fínn
- Inscne
- Fireann
- Aois
- c. 50
- Seoladh
- Dún Eoghain, Co. Chorcaí