Scoil: Gurrane (B.) (uimhir rolla 14839)
- Suíomh:
- Cluain Droichead, Co. Chorcaí
- Múinteoir: Seán Ó Loingsigh
Tagairt chartlainne
Bailiúchán na Scol, Imleabhar 0326, Leathanach 130
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
Íoslódáil
Sonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
- XML Scoil: Gurrane (B.)
- XML Leathanach 130
- XML “Scéal”
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
Scéal
“Ta lios sa bhfeirm atá le h-ais ár bhfeirm-ne agus Lios a Chraosaigh a tugtar air.”
Tá lios sa bhfeirm atá le h-ais ár bhfeirm-ne agus Lios a Chraosaigh a tugtar air. Sin é an ainm atá ar an mbaile fearainn tímcheall air ó shoin. Deirtear go bhfeacaidh fear éigin leipreachán sa lios agus go raibh casúr aige agus é ag deisiúghadh bróg. Do labhair an fear leis ach níor thug sé aon fhreagra air. Uair éigin 'na dhiaidh sin ghlaodhaig an leipreachán go tigh an fhir sin agus d'iarr sé lasán air, agus thug sé dho é. Annsan d'fhiafruig fear an tíghe de cár b'as é agus dubhairt sé go raibh sé féin ó'n liosachán. Chuaidh sé amach an doras agus ní fheacaidh aoinne beó ná marbh san áit sin é 'na dhiaidh sin.
Tá lios eile in ár dtalamh-ne agus tá sé tímcheall míle slíghe ó Lios a' Chraosaigh. Tá bóthar idir an dá lios agus deir na sean daoine nách ceart d'aoinne cur isteach ar an mbóthar san. Tá alán saghas crann ag fás istigh sa lios. Plasóg cómh-chruinn atá ann agus tímcheall leath-acra d'fhairsinge inte. Tá claidhe árd tímcheall air agus tá crainn ag fás ar an gclaidhe sin.
Tá cloch istigh sa lios agus tá Ógham sgríobhtha ar an gcloch sin agus tagann alán daoine ann ó am go h-am ag léigheadh an sgríbhinn. Fathach d'arab ainm Craosach a mhair ann fadó de réir na sean daoine agus tá alán sgealta mar gheall ar an gCraosach gceadhna agus deirtear go bhfuil sé curtha i gCarraig a' Phúca. Deir cuid de's na sgealtha gur le linn Pádruig a bheith in Éirinn iseadh bhí Craosach ann agus go raibh gach aoinne tímcheall air scannruithe aige go dtí gur chuir Pádruig deire leis agus gur fhuasgail sé na daoine ó na dhaor-smacht.