School: Lios Uí Bhigín (B.) (roll number 8791)

On this page

1. Cuntas ar an nGorta

   

   Share Share Post

   Cúntas ar an nGorta ó Phádraig Ó Súilleabháin, ó Lios Uí Bhigín, dhá mhíle go leith ar an dtaobh thoir de Chill Áirne.
   Rugadh é sa bhliain 1856 agus do tógadh é dhá mhíle ó’n áit n-a bhfuil comhnuidhe aige anois.
   D’airigh sé na sgeulta seo ó n-a athair agus ó n-a mháthair agus é n-a gharsún. Fear eolguiseach tuisgionach ‘seadh Pádruig. Tá sé 83 bliadhna d’aois.
   Do réir na sgeulta a bhí le cloisint agus mé i m’gharsún níor luig an droch shaoghal go ró-throm ar mhuintear na h-áite seo. Níor áirigheas go bhfuair aoinne bás de bharr an ocrais. Bhí obair le fághail ages na fearaibh oibre i n-estáit an Iarla Cheann Mara agus thall i Mucros agus i gCathair Fhionáin ós na Herberts agus ó Cróinín-Coltsmann agus ó uaisle eile nach iad. Bhíodh sgata fear ag obair ar an mbóthar iarainn leis. Le linn an ama sin do tógadh an falla árd atá mór thimceall na Fiadhlainne (Deerpark) agus bhí a lán fear ag obair ann. Ní raibh mar phágh lae ag gach saor ach toistiún an ló! agus dhá phingin do gach sglábhuidhe. Ach mar sin féin bhíodh na daoine bochta ag baint na sál dá chéile chun glaodh cun na h-oibre d’fhághail.
   N-a theannta san níor theip ar na prátaí chomh mór san agus a theip ortha i n-áiteanna eile. D’áirigheas go raibh tig na mbocht i gCill Áirne lán go dorus leis na daoine bochta.
   Fuair fear bocht bás le h-ais an bhóthair mhóir thoir mBealach a’n Chomáin. Ní raibh

   (continues on next page)

   

   Transcribed by a member of our volunteer transcription project.

   History Edit

   Topics

   1. time
      1. historical periods by name (~25)
         1. the great famine (~4,013)

   Language

   Irish

   Informant

   Pádraig Ó Suilleabháin

   Gender

   Male

   Age

   83

   Address

   Lissyviggeen, Co. Kerry