Scoil: Maol an Chóirne, An Rinn

Ar an leathanach seo

1. Seanfhocail (ar lean)

   

   Roinn Roinn Postáil

   (ar lean ón leathanach roimhe)

   16. Mol an óige agus tiocfhaid[h] sí.
   17. Cailín aige Móra agus Móra id'iarraidh déirce.
   18. Ní thagann an óige fé dhó choidhche.
   19. Ní dub[h]airt galar fada bréag.
   20. Go mba abhar teine a thagann ó Shasana anall má thagann é a chaitheamh le h-ab[h]ann.
   21. Is fada ón charraig an áit seo
   22. Nuair a bhíonn an cat amuigh bíonna na luc[h]a ag rinnce.
   Fuair me iad so ó m'athair. 56 blian

   

   Tras-scríofa ag duine dár meitheal tras-scríbhneoirí deonacha.

   Stair Athraigh

2. Protastúnach agus a Chlann

   

   Roinn Roinn Postáil

   Protastúnach agus A Chlann
   Bhí fear ann uair amháin agus protastúnach a b'ead[h] é. Bhí seachtar mac aige agus d'iompuigheadar go léir 'na gcaitlicigh. T[h]eig[h]eadh an seachtar go dtí an aifreann gach Domhnach agus bhíodh an t-athair sa mbaile.
   Nuair a thagaidís ón aifreann sé an rud a dearfadh an t-athair leo ná "cad dubhairt an sagart indiu" "Aililiúia" a déarfaidís mar sin é an rud a d'airighídís ón sagart. Fuair an t-athair bás agus ní leigfhadh an sagart dóibh é a chur i macha an t-séipéil. B'é an rud a dheineadar ná é a chur i ngáirdín a bhí ar aghaidh an tighe gairid do'n mbóthar. Ní raibh sé i bhfad curtha nuair a d'fhás crann as an áit na raibh sé curtha. Bhí bileóga ar agus bhí gach ceann acu chómh mór le leath róid coise [?] agus bhí "Aililiúia" sgríobhtha trí bhota in gach ceann acu.
   Romharadar é agus fuaireadar amach gur ag fás amach [as] a cheann a bhí sé. Fuair mé é sin ó m'athair

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. am
      1. tréimhsí staire sonracha (~25)
         1. aimsir na bpéindlíthe (~4,335)

   Teanga

   Gaeilge

   Bailitheoir

   Seán Ó Lonáin

   Inscne

   Fireann

   Aois

   14

   Seoladh

   Maoil an Choirnigh, Co. Phort Láirge