Scoil: Baile Uí Dhuibhne

Ar an leathanach seo

1. Seancheirdeanna

   

   Roinn Roinn Postáil

   Bhí fígheadóir i Liosnacaolbhuidhe fadó - Seán Ó Dubháin. Ana fhigheadóir a bheadh é. Bhí seól figheadóireachta aige. Bhí sé go maith chun plainnín do dheanamh. Bhí sé ar na figheadóirí dobh fhearr san pharóiste. Do thagadís ó'n Mhullach chuige chun an plainnín do dheanain dóibh. Dhá scilling ar gach aon deich mbann lamha a bhíodh uaidh. Déineadh se deich mbannlámha sa ló. Mar a briseadh aon snáithín ins an spól, nó san úghaim nó ins an bhfeatán a choinigeochadh mall é d'iarraidh an snidhim ceart a cur air "snaidhm an Fhigheadóra." Ba dheas leat bheith ag féachaint air agus é ag oibriú an t-seoil, le na dhá chois, ag oibrú na slinne, agus torann an featáin ag dul le buile, sall is anall. Dheineadh sé plainnin ana mhaith cun leinteacha a dheanamh, agus rudaí eile.
   Leanadh morán trioblóide an plainnín. Chaithfhidís an olann a chárdáil, é sníomh, e dheilbheadh ar an bhfalla, é chur le chéile, agus é do bhreith go dtí fígheadóir. Ins an aimsir sin bhíodh na mna ag sníomh go dti go dteigheadh an "tríghdín" os cionn Cnoc Bhréanan agus go mbíodh sé a trí clog an uair sin, mar ní raibh aon chlog aca ach an "trighdín". Ni bhíodh an lampa féin aca leis, ach "slige". Bíodh íle éisc aca ins an slige agus geitri scúithte istigh san íle, agus nuair a sugadh an íle ionnta lasaidís go breágh agus iad istigh i bpoll an iarta, agus a gcinn amach thar faobhar an t-slige. Bhí an figheadóir 'na chómhnaidhe ins na "Porta Dubha." Anois tá an tigh leaguithe, agus níl ag seasamh ach na ceithre fallaí agus is gearr nó beidh aon fallaí na seasamh ann.

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. gníomhaíochtaí
      1. gníomhaíochtaí eacnamaíocha
         1. gnó agus ceird (~4,680)

   Teanga

   Gaeilge

   Bailitheoir

   Cáit Ní Muircearthaigh

   Inscne

   Baineann