Scoil: Clochar na Trócaire, An Clochán
- Suíomh:
- An Clochán, Co. na Gaillimhe
- Múinteoir: An tSr. M. Peadar
![Bailiúchán na Scol, Imleabhar 0004, Leathanach 434](https://doras.gaois.ie/cbes/CBES_0004%2FCBES_0004_434.jpg?width=1600&quality=85)
Tagairt chartlainne
Bailiúchán na Scol, Imleabhar 0004, Leathanach 434
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- "Sgéal faoi Chrois Bhrighde"
Uair amháin bhí Naomh Bríghid ag tóruigheacht píosa talmhan le h-aghaidh clochair, a chur ar bun ann. Bhí sí ag siubhal ó áit go háit ag féachaint cé'n duine a thuibhreadh píosa talmhan dí. Bhí Págánach 'na chomhnuidhe ins an áit is bhí Bríghid ag dul char a dhoras, is chuala sí mar bheadh duine éigin ag osnaighil. Sheas sí ar feadh tamaill ag aghaidh an dorais. Bhí an osnaghail ann i gcómhnaigh.
Annsin cheap sí gur duine éigin a bhí ag fágháil bháis, is chuaidh sí isteach. Bhí an Págánach 'na luighe ar leaba tuighe san gclúid is é ag saothrughadh bháis. Chuaidh Naomh Bríghid anonn go dtí é, is labhair sí leis. Ní raibh mórán cainnte aige. Bhí fios ag Naomh Bríghid nar chreid sé in Dia, is thosaigh sí ag múineadh an creidimh dhó chomh maith agus d'féad sí. Faoi ceann sgathaimh creid se in Dia. Annsin d'iarr sé maitheamhnas ar Dhia mar gheall ar a chuid peacaidh. Nuair a bhí Naomh Bríghid ag múineadh dó faoi Páis Chríosta ní riabh aon pictuir aici de, agus tharraing sí slám tuighe amach as an leapa, is rinne sí pictúir na Croise. Annsin Bhí sé níos soléire do'n Págánach é do creideamhaint. Sul ar chailleadh é tug Bríghid baiseadh urláir air, agus chuaidh a anam go Flaitheas. In a dhiadh sin chuile Féile Bríghde, déanann na daoine croiseanna Bríghde le cuimhne a chonghbheál uirthi agus an caoi a mhúin sí an creideamh do'n págánach.