School: Páirc na Sceach (roll number 13856)

On this page

1. Ciste Óir i bhFolach

   

   Share Share Post

   Ciste óir i bhfolach
   In aimsir na bpéin-dlighthe bhí sagart ‘na chomhnaidhe i Mághcuillinn. Fear an-saidhbhir dob’ eadh é. Bhí trí mhíle phunt aige in óir na Frainnce, trí mhíle in óir na Spáinne agus adhbhar chailéis chómh maith. Bhí faitchíos air go bhfaigheadh an námhaid a chuid saidhbhris agus chuir sé i bhfolach é faoí leic mhóir i gCill Raithne, páirc atá achar beag taobh thiar de Mhághcuillinn. Ba mhaith é cinnte mar tá go leór sgeacha agus driseacha ag fás ann. Is dócha go dtóigfead sé as é nuair a bheadh gach contabhairt thart ach tháinig bás tobann air. Nuair a bhí sé ar leabaidh a bháis d’innis sé do fear éigin ar áit ‘na raibh sé curtha i bhfolach aige agus dubhairt sé leis dul ann agus é do chuartadh. Chuaidh an fear chuig an áit agus thug sé fear eile leis. Chuartuigheadar thart i ngach áit agus céard d’fheicfeadh fear aca ach leac mhór. Rith sé anonn chuige agus d’arduigh sé é. Bhí poll mór faoí agus is beag nár baineadh an radharc as a shúile nuair d’fhéach sé síos ann bhí an bhí an méid sin óir ann. Níor fhéadh sé labhairt le teann áthais ach rinne sé comhartha do bhfear teacht chuige. Nuair d’fhéachadar san bpoll arís ní raibh ór na airgead ann ach bhí cat ‘na shuidhe san áit ‘na raibh sé. D’imthigheadar abhaile agus níor chuartaigh duine ar bith riamh ó shoin é agus is dócha go bhfuil sé ann fós.
   Scríobhtha síos ag Máire ní Nudhain, Pollach, ó na h-athair, Éamonn Ó’Nudhain, Pollach, Mághcuillinn. Feabhra 1938.

   

   Transcribed by a member of our volunteer transcription project.

   History Edit

   Topics

   1. genre
      1. belief (~391)
         1. folk belief (~2,535)
            1. treasure legends (~7,411)

   Language

   Irish

   Collector

   Máire Ní Nudhain

   Gender

   Female

   Address

   An Pollach, Co. Galway

   Informant

   Éamonn Ó Nudhain

   Relation

   Parent

   Gender

   Male

   Address

   An Pollach, Co. Galway