School: Cathair Samháin

On this page

1. Scéal

   

   Share Share Post

   Sgéal
   Do bhí fear ann fadó go raibh inghean ana dheas aige agus bhí gach uile dhuine i ngrádh léi. Do bhíodh beirt ógánach ag iarraidh í phósadh. Do taithn fear acha léi ach níor thaitn an fear eile léi.
   An fear nár cuir sí aon tsuim ann do thaghadh sé go minich go tigh a h-athar acht an fear go raibh grádh aici dho ní thaghadh sé acht go h-annamh. B’fhearr leis an athair go bpósfadh sí an búachaill a thaghadh chúcha go minich.
   Shocruig sé ar dhinnéar mór do bheith aige agus thug sé cuireadh do gach aoinne a bhí ar an mbaile. Núair a bhí na daoíne go léir cruinnighthe ar seisean le na h-inghin, “ól deoch anois” ar seisean leis an bhfear is fearr leat sa chuidheachtain seo mar cheap sé go n-ólfadh sí deoch leis an bhfear badh mhaith leis féin. Thóg sí gloine ‘na láimh agus d’feac sí na tímcheall agus annsan dúbhairt sí an t-amhrán seo.

   Ólaim do shláinte a mhic a thigh
   Faoí thuairm shláinte mhinic-nách-dtigh,
   Mo dhíth is mo dhóigh nách é minich nach dtigh
   A thigh cómh minic le minic a thigh.

   Do shuidh sí síos annsan agus níor labhair sí focal an cuid eile de’n lá, agus níor tháinig an fear óg Minic a thigh cúici a thuile mar thuigh sé ná raibh sé ag teastáil agus do phós an cailín a rogha féin le toil a h-athar

   Nóra Ní Conaill,
   Dromcaor,
   An Choirreán,
   Ó’m athair, Muiris Ua Conaill

   

   Transcribed by a member of our volunteer transcription project.

   History Edit

   Topics

   1. genre
      1. poetry
         1. folk poetry (~9,504)

   Language

   Irish

   Collector

   Nóra Ní Chonaill

   Gender

   Male

   Address

   Dromkeare, Co. Kerry

   Informant

   Muiris Ua Conaill

   Relation

   Parent

   Gender

   Male

   Address

   Dromkeare, Co. Kerry