School: Clochar na Toirbhirte, An Daingean

On this page

1. Baintreach an Mhuilinn (continued)

   

   Share Share Post

   (continued from previous page)

   dho féin é gach aon uair a théigheadh sé ar an aonach.

   Nuair a tháinigh lá an aonaigh chuaidh sé ar an aonach le cúig cinn de bheithidhigh agus thárla go bhfuair sé triochadh púnt ortha, agus shóinseáil sé deich scillinge ‘na bpinginí ruadha. Chuir sé isteach i mála iad agus chuir sé an chuid eile ‘na phócha. Chuir sé chun bóthair in áirde ar an gcapall agus ní fada de’n slighe a bhí sé nuair a bhuail robálaidhthe leis. Bheireadar isteach air agus dubhradar leis an t-airgead a bhí aige a thabhairt dóibh.

   Níor dhein sé faic ach breith ar sparán na bpinginí ruadh agus é chaitheamh tar chlaidhe. Nuair a chuala na robálaidhthe glór an airgid do léimeadar isteach sa ghort agus súid ag lorg an airgid iad. Nuair do fuair an garsún istigh iad do léim sé ar an gcapall agus níor dhein sé stad riamh na coidhche nó gur bhain sé tigh an fheirmeora amach.

   Bhí an-áthas ar an bhfeirmeoir nuair do chonnaic sé an buachaill agus an t-airgead do theacht abhaile slán sábhálta agus thug sé deich bpúnt do dá bhárr. Chuaidh sé ar an aonach a bhí chugainn ag díol an chapaill agus fuair sé fiche púnt airís. Do dhéin sé an dálta céadna ar an turus abhaile, ach nuair do tháinigh sé abhaile bhí fear a’tighe marbh roimis. Annsan do bhí an fheirm aige féin agus an t-airgead.

   Do thug sé leis a mhathair agus do chomhnuigheadar go slán sábhálta as san amach agus bhiodar go saidhbhir.

   

   Transcribed by a member of our volunteer transcription project.

   History Edit

   Folktales index

   AT1360B: Flight of the Woman and her Lover from the Stable

   Language

   Irish

   Informant

   Máighréad Bean Uí Mhistéil

   Gender

   Female

   Age

   77

   Occupation

   Bean iascaire

   Address

   Ceathrú an Fheirtéaraigh, Co. Kerry