Scoil: Caiseal na gCorr

Ar an leathanach seo

1. Scéal

   “Bhí cearthar fear ann aon uair amháin. Is é na h-ainmneacha a bhí ortha Clearam Claram, Fínim h-Óinim, Tec a Burren agus Cailleach a Romp.”

   

   Roinn Roinn Postáil

   Sgéal.

   Bhí ceathrar fear ann aon uair amháin. is é na h-ainmneacha a bhí ortha Clearam Claram, Fínim h-Oinim, Tec a Burren agus Cailleach a Romp.
   Bhí garradh aca agus bhí coirce ag fás ins an gharradh agus bhí achan nduine acu a radh gur leis fhéin an coirce. Thoisigh siad a throid fá'n choirce. sa deireadh dubhairt Cailleach a Romp go socrohadh seisean an cás. Dubhairt sé go rannfadh sé an coirce eatorra. Glacadh an socrugadh sin. Thoisigh sé a roinnt an choirce annsin. Rann sé in a stucaí é agus bhí stuca corr ann. Annsin rann sé an stuca in a shapogaí agus bhí sapóg chorr ann. Thoisigh Cailleach a Romp agus rann sé an t-sapóg in a shifiní agus bhí sifín chorr ann. Ní rabh fhios cé ar leis an sifín, Bheir Cailleach a Romp air agus chaith sé amach san fhairrge é. Thug Clearam Claram iarraidh a ghabhail amach fá na choinne an t-sifín, acht bhí an t-uisge ró dhomhain agus baitheadh é. Annsin thug Fínim h-Óinim agus Tec a Burren iarraidh a ghabhail amach fá choinne an tsifín agus baitheadh iad san fosta.
   Nuair a chonnaic Cailleach a Romp goidé mar bhí ní theachaidh sise amach fá choinne an t-sifín. Annsin bhí an garradh agus an coirce aicí díthe fhéin.

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Séamus O Gallchobhair

   Inscne

   Fireann

   Faisnéiseoir

   Seán Mac Suibhne

   Inscne

   Fireann

   Aois

   67

   Seoladh

   Caiseal na gCorr, Co. Dhún na nGall