Scoil: Carraig Airt

Ar an leathanach seo

1. Scéal

   

   Roinn Roinn Postáil

   Sgéal.

   Bhí fear ann aon uair amháin darbh ainm Seán Crás as an iachtar. Bhíodh sé ag goid airgead ó daoine a shíl sé go rabh go leór aca agus ní thiocfadh leis na gárda breith air. Am amháin bhí sé i nDoire agus rinne sé rud éiginteacht as an casan agus bhí na gárda in a dhiaidh. Bhí capaill ag na gárda agus bhí Seán ag rith ar a cois. Bhí cú leobhtha fosta agus bhí madadh níos fearr ag Seán. Nuair a rith an cú i ndiaidh Seán thiontuigh madadh Seán ortha agus marbh sé iad.
   Rith Seán agus an madadh leobhtha agus na marcaigh in a dhiaidh go dtí go dtáinig siad go abhann. Shíl na gárda na dtiocfadh le Seán dhul thar an abhann. Léim madadh Seán thar an abhann agus lean Seán é. Nuair a fuair Seán thar an abhann rith sé leis go dtáinig sé fhad le coille. Chuaidh sé i bhfolach sa coill. Nuair a tháinig na gárda fhad leis an choill thoisigh Seán ag tógail calainn. Chualaidh na gárda é agus shíl siad gur bhreith duine éiginteacht air. Bhí siad ag dul isteach go dtí’n coill nuair a tháinig Seán amach. Bheir sé air duine de na gárda agus bhain cúlaidh de agus an capall agus cheangail é do tóir. Chur sé an cúlaidh ar fhéin acht bheir gárda eile air agus thug siad go Doire é agus bhí sé le na cróchadh. An lá a bhí siad ag dul a chróchadh é d’fhiafruigh sé i nGaelic an rabh duine ar bith as Doire annsin agus ní rabh. Bhí cuid mhór airgead i bhfolach aige agus nuair nach rabh duine ar bith as Doire ann ní innseóchadh sé cá rabh sé. Fuair sé bás agus níl fhios ag

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Faisnéiseoir

   Séamus Mac Lochlainn

   Inscne

   Fireann

   Aois

   61

   Gairm bheatha

   Feirmeoir (Léirítear teidil na ngairmeacha i mBailiúchán na Scol sa bhunteanga inar cláraíodh iad)

   Seoladh

   An Dún Mór, Co. Dhún na nGall