Scoil: An Clochar i gCárna
- Suíomh:
- Carna, Co. na Gaillimhe
- Múinteoir: Siúracha na Trócaire
Sonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Ní bhíodh siopaí go flúirseach sa cheanntar san tsean-aimsir. Cheannuigheadh na daoine na rudaí ins an gcúpla siopa a bhí ann cuir i gcás i gClochán, i nGaillimh agus i gCloch na Rón. An uair sin ní bhíodh na siopaí i n-aice an tséipéil agus ar an ádhbhar sin ní dhíoltaí mórán earraidhe tar éis an Aifrinn. Le gairid anois ó d'fhairsing na siopaí bhíodh na siopadóirí ag díol tar éis an Aifrinn ach chuir cuidd de lucht na siopaí stop leis sin, mar bhíodh sé ráidhte nach raibh sé ceart díol ná ceannach a dhéanamh ar an Domhnach mar gheall go mba lá saoire a bhí ann.
Ní bhíodh airgead chomh flúirseach sa tsean-aimsir agus atá sé anois. Nuair a theastóchadh rud le ceannach ó dhuine is amhlaidh a mhalartóchadh sé bó nó capall nó muc le fear eile chun an rud atá ag teastáil uaidh a cheannach. Rud eile a dhéanadh na daoine seadh laethannta oibre a thabhairt do na siopadóirí ar son earraidhe agus rudaí eile mar sin. Bhíodh leisge ar chuid de na daoine aon rud do dhíol ná ceannach ar an Domhnach le faitchíos nach mbeadh an t-ádh ortha. Bhíodh faitchíos ar dhaoine tosnú ag tógail tighe nó ar a leithéid mar obair 'Lá Crosta na Bliana' mar bhíodh sé ráidhte nach mbiodh an t-ádh ag baint leis an lá sin i n-aon chor. Sé an ait a mbíodh an margadh sa tsean-aimsir ná i gCloch na Rón agus i gCill Chiaráin agus bíonn sé i gCill Chiaráin ariamh ó shoin suas go dtí an lá atá indiu ann.- Bailitheoir
- Nóra Nic an Iomaire
- Inscne
- Baineann
- Aois
- 14
- Seoladh
- An Coillín, Co. na Gaillimhe